TATUning yangi filiali tashkil etildi. Qabul shu yildan boshlanadi

07-may 18:12
TATUning yangi filiali tashkil etildi. Qabul shu yildan boshlanadi

“Axborot-kommunikasiya texnologiyalari sohasida kadrlar tayyorlash tizimini yanada takomillashtirish chora-tadbirlari to‘g‘risida”gi Hukumat qarori (288-son, 07.05.2021 y.) qabul qilindi

Qarorga ko‘ra, quyidagilar tashkil etildi:

  • Toshkent axborot texnologiyalari universitetining Nurafshon filiali;
  • Universitet Axborot-resurs markazida “Raqamli kutubxona”.

Aholining barcha qatlamlarida raqamli ko‘nikmalarni oshirish maqsadida dasturlash, robototexnika, “Buyumlar interneti”, sun’iy intellekt texnologiyalarini qo‘llash va o‘rganish Filialning asosiy vazifalaridan biri hisoblanadi.

✅ Qaror bilan Universitet huzurida faoliyat yurituvchi, oliy ta’lim tizimi bilan integrasiyalashgan o‘rta maxsus professional ta’lim bosqichida axborot-kommunikasiya texnologiyalari yo‘nalishlari bo‘yicha kadrlar tayyorlaydigan texnikumlar (11 ta) tashkil etiladi.

  • Filial va texnikumlar yuridik shaxs maqomiga ega Universitetning tarkibiy bo‘linmalari hisoblanadi.
  • Filial va texnikumlarda o‘quv jarayoni 2021/2022 o‘quv yilidan boshlanadi.

Filialga talabalarni qabul qilish soni belgilangan tartibda har yili tasdiqlanadigan respublika OTMlariga o‘qishga qabul qilishning davlat buyurtmasi va qo‘shimcha qabul parametrlaridan kelib chiqqan holda belgilanadi.