485 nafar direktorlikka nomzod “Menejerlik oʻquv kursi”da sertifikat ololmagan
![485 nafar direktorlikka nomzod “Menejerlik oʻquv kursi”da sertifikat ololmagan](https://static.oliygoh.uz/crop/1/6/832__85_1604484729.jpg?t=1721995951)
Kirish ballari elon qilindi
➡️ MANDAT 2024
485 nafar direktorlikka nomzod “Menejerlik oʻquv kursi”da o‘qib, tegishli sertifikat ololmagan – vazirlik
Maktabgacha va maktab ta’limi vazirligi tomonidan “Menejerlik oʻquv kursi”da 1319 nafar direktorlikka nomzodlar oʻqitilib, ularning 834 nafariga sertifikat berilgan. Bu haqida Maktabgacha va maktab ta’limi vaziri Hilola Umarova boshchiligida joriy yilning birinchi yarim yilligida sohada amalga oshirilgan ishlar sarhisobi va kelgusi vazifalar ijrosiga bagʻishlangan Hayʼat yigʻilishida ma’lum qilindi.
Ta’kidlanishicha, tizimdagi 210 444 nafar rahbar va pedagog kadrlar malakasi oshirilgan. 5. 7 949 nafar stajyor-oʻqituvchi kasbiy sertifikatlash, 190 ming nafar oʻqituvchi yangi tartib asosida malaka toifalarini berish sinovlariga jalb etilgan.
Tanqidiy-tahliliy ruhda oʻtkazilgan yigʻilishda tizimdagi mavjud kamchiliklar va amalga oshirilishi zarur boʻlgan ishlar ham atroflicha tilga olib oʻtilgan. Xususan, respublikadagi ayrim hududlarda, jumladan, Andijon, Jizzax, Samarqand viloyatlarida bolalarni maktabgacha ta’limga qamrov koʻrsatkichlari yil boshiga nisbatan sezilarli darajada tushganligi tanqid qilingan.
Shu sababli yil yakuniga qadar maktabgacha ta’limga qamrov darajasini 76 foizga yetkazish, yangi oʻquv yilidan boshlab 1 300 ta tayanch maktablar faoliyatini samarali yoʻlga qoʻyish, shu bilan birga “Kasbiy rivojlanish soati” va “Kasbiy rivojlanish kuni” tadbirlari hamda mentor-oʻqituvchilarini oʻqitish ishlarini toʻgʻri tashkil qilish boʻyicha masʼullar oldiga aniq vazifalar belgilab berilgan.