Davlat test markazi 25 yoshdan 45 yoshgacha bo‘lganlar uchun tanlov e’lon qildi

23.01.2023 18:32
Davlat test markazi 25 yoshdan 45 yoshgacha bo‘lganlar uchun tanlov e’lon qildi
Fizikani videodarslar orqali Professional ustozlardan BEPUL o'rganing.
– Registon o‘quv markazi

Bilim va malakalarni baholash agentligi 2023-yilda agentlik tomonidan tashkil etiladigan test sinovlarida nazoratchi sifatida ishtirok etish istagida bo‘lgan nomzodlar uchun tanlov e’lon qilmoqda.

Tanlov 3 bosqichda amalga oshiriladi:

1️⃣-bosqichda Bilim va malakalarni baholash agentligi tomonidan nomzodlarning belgilangan talablarga muvofiqligi o‘rganiladi.

2️⃣-bosqichda hududlarda nomzodlar malaka oshirish kursida o‘qitiladi va kurs yakunida yakuniy nazorat o‘tkazilib, uning natijalari asosida talabgorlarga sertifikat beriladi.

3️⃣-bosqichda Bilim va malakalarni baholash agentligining hududiy bo‘limlarida sertifikatga ega nomzodlar bilan suhbat o‘tkaziladi va suhbat natijasiga ko‘ra guruh nazoratchiligiga tavsiya etilgan nomzodlar bilan shartnoma tuziladi.

Tanlovda 25 yoshdan 45 yoshgacha bo‘lgan oliy ma’lumotli, ijtimoiy faol O‘zbekiston Respublikasi fuqarolari ishtirok etishlari mumkin. Buning uchun talabgorlar 2023-yil 23-yanvardan 23-fevralga qadar my.dtm.uz saytining “Guruh nazoratchiligiga tanlov” bo‘limi orqali ro‘yxatdan o‘tishlari lozim.

Xabarda izoh berilishicha, talabalar, repetitorlar hamda o‘quv markazlarining direktorlari va o‘qituvchilari tanlovda ishtirok etishi mumkin emas.