Homilador va yosh bolali talabalar uchun yangi imtiyozlar belgilandi

2026/2027-o‘quv yilidan homilador va yosh bolali talabalarga yangi imtiyozlar beriladi

2026/2027-o‘quv yilidan boshlab homilador talaba-qizlar hamda 3 yoshgacha farzandi bor talabalar uchun ta’lim jarayonida qo‘shimcha yengilliklar joriy etiladi. Tegishli o‘zgarishlar O‘zbekiston Respublikasi Prezidenti Administratsiyasi rasmiy manbalarida e’lon qilingan.

Mazkur imtiyozlar talaba-onalarni qo‘llab-quvvatlash, ularning o‘qishni davom ettirishiga sharoit yaratish va ta’limdan uzilib qolishining oldini olishga qaratilgan.

Qanday yengilliklar beriladi?

🔹 O‘qishni qayta tiklash imkoniyati

Agar homilador yoki yosh bolali talaba:

• Kursdan kursga o‘ta olmagan bo‘lsa

• Talabalar safidan chiqarilgan bo‘lsa

istisno tariqasida, fanlar farqini topshirish sharti bilan o‘qishga qaytish huquqiga ega bo‘ladi.

🔹 Fanlar farqini topshirish uchun qo‘shimcha muddat

Talabalarga:

• Fanlar farqini mustaqil o‘zlashtirish

• Qo‘shimcha vaqt va qulay sharoitlardan foydalanish

imkoniyati yaratiladi.

Yaqin 3 oy ichida kutilayotgan o‘zgarishlar

📌 Akademik ta’til davrida onlayn o‘qish

Akademik ta’tilga chiqqan talaba-onalarga o‘z xohishiga ko‘ra masofaviy (onlayn) shaklda o‘qishni davom ettirish imkoniyati yaratiladi.

📌 Masofaviy ta’lim kvotalari oshiriladi

Aynan homilador va yosh bolali talabalar uchun:

• Masofaviy ta’lim yo‘nalishlari kengaytiriladi

• Qabul ko‘rsatkichlari ko‘paytiriladi

📌 Alohida statistika yuritiladi

Akademik ta’tilga chiqqan yoki o‘qishni tark etgan talaba-onalar bo‘yicha alohida statistika shakllantiriladi. Bu kelgusida qo‘shimcha ijtimoiy qo‘llab-quvvatlash mexanizmlarini ishlab chiqishga xizmat qiladi.