Mahalla “yettiligi” va ularning asosiy vazifalari

Mahalla “yettiligi” tizimi davlatimiz rahbari topshirig‘i bilan tashkil etilgan bo‘lib, har bir a’zoning mahalladagi hayotni yaxshilashga qaratilgan muhim vazifalari mavjud. Quyida “yettilik” vakillari va ularning asosiy faoliyati haqida ma’lumot beramiz:

1. Mahalla raisi

• Vazifasi: Ehtiyojmand oilalarga uy-joyini yaxshilashga ko‘maklashish, mahallaning umumiy ahvolini nazorat qilish.

2. Hokim yordamchisi

• Vazifasi: Ishsiz fuqarolarga ish topishda yordam ko‘rsatish, bandlik masalalarini hal qilish.

3. Yoshlar yetakchisi

• Vazifasi: Yoshlarni sport, musiqa va turli to‘garaklarga jalb qilish orqali bo‘sh vaqtni mazmunli o‘tkazishni ta’minlash.

4. Xotin-qizlar faoli

• Vazifasi: Ayollarni tadbirkorlik, kasanachilik va hunarmandchilikka jalb qilish orqali ularning iqtisodiy ahvolini yaxshilash.

5. Profilaktika inspektori

• Vazifasi: Mahallada huquqbuzarliklarning oldini olish, jamoat tartibini saqlash va fuqarolar xavfsizligini ta’minlash.

6. Soliq xodimi

• Vazifasi: Soliq bazasini kengaytirish, tadbirkorlik faoliyatini qonuniylashtirish va o‘zini o‘zi band qilganlarni kichik biznes toifasiga o‘tkazishga ko‘maklashish.

7. Ijtimoiy xodim

• Vazifasi: Yolg‘iz keksalar, nogironlar va boshqa muhtojlarga ijtimoiy xizmat ko‘rsatish bilan shug‘ullanish.

Mahalla “yettiligi”ning asosiy maqsadi fuqarolarga manzilli yordam ko‘rsatish va mahallada ijtimoiy-iqtisodiy barqarorlikni ta’minlashdir.