Maktabda kitob yo‘qolsa kim to‘laydi va qancha?

Maktab kutubxonasidan berilgan darsliklar o‘quvchilarga vaqtincha foydalanish uchun taqdim etiladi. Agar kitob yo‘qolsa yoki yaroqsiz holga kelsa, kim va qancha to‘lashi kerak? Bu savolga "Umumta’lim maktablarini darsliklar va o‘quv-metodik qo‘llanmalar bilan ta’minlash tartibi to‘g‘risidagi nizom" asosida javob beramiz.

Kim to‘laydi?

Agar darslik yoki o‘quv-metodik qo‘llanma yo‘qolgan yoki foydalanishga yaroqsiz holatga kelgan bo‘lsa, quyidagi shaxslar zarar miqdorini qoplashlari shart:

• O‘quvchining ota-onasi yoki ularning o‘rnini bosuvchi shaxslar
• Homiylar yoki o‘qituvchilar

Zarar huddi shunday darslik bilan qoplanishi yoki kitobning hisob-fakturadagi qiymati to‘lanishi kerak.

Qancha to‘lash kerak?

To‘lov miqdori sinfga qarab farqlanadi:

• 1-sinf o‘quvchilari – kitob narxining bir baravari
• 2-4 sinf o‘quvchilari – kitob narxining ikki baravari
• 5-11 sinf o‘quvchilari – kitob narxining to‘rt baravari

Kutubxona nazorati

Maktab kutubxona jamg‘armasidagi darsliklar kutubxonachilar tomonidan nazorat qilinadi. Shuningdek, o‘quvchilar orasida darsliklarni asrab-avaylash haqida tarbiyaviy ishlar olib boriladi.

Batafsil ma’lumot: Lex.uz

XulosaMaktab darsliklarini yo‘qotgan yoki yaroqsiz holga keltirgan o‘quvchilar belgilangan tartibda zarar miqdorini to‘lashi lozim. Kitobni asrab-avaylash esa barcha o‘quvchilar uchun muhim qoidadir.