Milliy sertifikat imtihoni uchun ruxsatnomalar e’lon qilindi

2024-yil 2-3-noyabr (shanba-yakshanba) kunlari ona (o‘zbek, qoraqalpoq, rus) tili va adabiyot fanlari bo‘yicha milliy sertifikat imtihoni uchun ruxsatnomalar e’lon qilindi. Imtihonda ishtirok etadigan talabgorlar my.gov.uz saytining “Mening arizalarim” bo‘limi orqali o‘z ruxsatnomalarini yuklab olishlari mumkin.

Ruxsatnomada quyidagilar aks ettirilgan:

• Test sinovi vaqti va joyi
• Talabgorlar belgilangan vaqtdan kechikmasdan kelishlari lozimligi haqidagi eslatma

Test binolariga kirish 1-smenada 07:30 dan (test 09:00 da boshlanadi), 2-smenada 13:00 dan (test 14:30 da boshlanadi) amalga oshiriladi. Talabgorlar pasport yoki ID-karta olib kelishlari talab qilinadi. Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.