Nodavlat oliy ta’lim tashkilotlariga berilgan yangi litsenziyalar bo‘yicha raddiya

Nodavlat oliy ta’lim tashkilotlariga berilgan litsenziyalar bo‘yicha raddiya

2025-yil 29-avgust kuni soat 06:19 dan 09:53 gacha license.gov.uz axborot tizimida texnik nosozlik kuzatildi. Shu sababli, ayrim nodavlat oliy ta’lim tashkilotlarining arizalari ko‘rib chiqilish jarayonida tizim tomonidan xatolik asosida ijobiy xulosalar shakllantirildi.

Bu holat texnik xatolik sifatida qayd etilgan bo‘lib, hozirda uning sabablari tegishli idoralar bilan birgalikda chuqur o‘rganilmoqda. Yakuniy natijalar bo‘yicha qo‘shimcha ma’lumot jamoatchilikka e’lon qilinadi.

Qaysi ta’lim tashkilotlariga ruxsat berilmagan?

Quyidagi nodavlat oliy ta’lim tashkilotlariga yangi ta’lim yo‘nalishlari, mutaxassisliklari, ta’lim shakllari va faoliyat manzillari bo‘yicha hech qanday ruxsat berilmagan:

• “University of Business and Science” MCHJ – masofaviy ta’lim shakllariga;

• “Osiyo Xalqaro Universiteti” MCHJ – ayrim masofaviy ta’lim shakllariga hamda Xorazm viloyati, Urganch shahridagi yangi faoliyat manziliga;

• “Iqtisodiyot va Pedagogika Universiteti” NTM – tibbiyot yo‘nalishlari va magistratura mutaxassisliklari, masofaviy ta’lim shakllari hamda Surxondaryo viloyati, Denov tumanidagi yangi faoliyat manziliga;

• “Sharq-University” MCHJ – bank ishi, buxgalteriya hisobi yo‘nalishlari, kechki va masofaviy ta’lim shakllariga;

• “Profi University” MCHJ – yurisprudensiya yo‘nalishi, masofaviy shakllar va barcha magistratura mutaxassisliklariga.

Muhim ogohlantirish

Mazkur tashkilotlar tomonidan yuqoridagi yo‘nalishlar va ta’lim shakllari bo‘yicha e’lon qilinayotgan ma’lumotlar asossiz hisoblanadi.

Xulosa

Texnik nosozlik sababli ayrim oliy ta’lim tashkilotlari litsenziyalarida noto‘g‘ri ma’lumotlar shakllangan. Vazirlik bunday xatoliklarni bartaraf etmoqda va fuqarolarni rasmiy manbalardan beriladigan ma’lumotlargagina ishonishga chaqiradi.