O‘zingizga bo‘lgan ishonchni orttiradigan 10 ta maslahat
9.09.2023 09:58
Abituriyentlar uchun onlayn testlar
➡️ DTM BLOK TESTLAR
- Tayyorgarlik ko‘ring. Inson qachongi bir ishga puxta tayyorlanib, kerakli bilimlarni olib keyin ishni boshlasa, o‘ziga ishonchi yuqori bo‘ladi.
- O‘zingiz bilan har doim haqqoniy munosabatda bo‘ling. O‘z kamchiliklaringizni boringizcha qabul qiling.
- Sport bilan shug‘ullaning. Inson o‘zini tashqi ko‘rinishidan qoniqsa o‘ziga bo‘lgan ishonchi ham yuqori bo‘ladi.
- Komfort zonadan chiqing. Inson komfort zonada yashasa, u rivojlanishdan to‘xtaydi. Komfort zonadan tashqarida, qiyinchilikda yashagan insonni esa doim o‘ziga ishonchi baland bo‘ladi.
- Tashqi ko‘rinishingizni o‘zgartirib turing. Kiyim, soch turmagi, oyoq kiyimlaringizni vaqt-vaqti bilan o‘zgartirib turing. Hayotingizga rang-baranglik qo‘shing.
- O‘tmishdagi g‘alabalaringizni eslang. Tushkunlikka tushib bir ishni uddalay olmagan paytingizda o‘tmishdagi g‘alabalaringizni eslang. Bu sizga o‘zgacha ruh bag‘ishlab, ishonchni orttiradi.
- Qaddingizni tik tuting. Inson qachonki qaddini tik tutib gapirsa, nutqi ham ishonch bilan chiqadi. Har doim qaddingizni tik tutishga odatlaning.
- O‘zingizni boshqalar bilan solishtirmang. O‘zingizni hozirgi natijangizni boshqalar bilan solishtirsangiz, bu sizni katta ishonchsizlikka yetaklashi mumkin.
- Bu dunyoda hech kim ideal emasligini tushuning. Ya’ni atrofdagi barchada kamchiligi bor. Sizda ham qanaqadir kamchilik bo‘lsa, hech qachon o‘zingizga bo‘lgan ishonchni yo‘qotmang. Hech kim ideal emas.
- Atrofingizga to‘g‘ri insonlarni to‘plang. Atrofingizdagi insonlar sizga motivatsiya berib, sizni qo‘llab quvvatlashi kerak. Ushbu faktor ham sizni tushkunlikka tushmasdan, o‘zingizga bo‘lgan ishonchni saqlab qolishda katta rol o‘ynaydi.(Pulatov Jahongir)