Pensiyalar va nafaqalar 15 foizga oshirildi: yangi miqdorlar e’lon qilindi

Pensiyalar va nafaqalar miqdori 15 foizga oshirildi

2024-yil 1-sentyabrdan boshlab pensiyalar va nafaqalar miqdori 15 foizga oshirildi. Ushbu o‘zgarishlar Prezident tomonidan imzolangan "Ish haqi, pensiyalar va nafaqalar miqdorini oshirish toʻgʻrisida"gi farmonga asosan amalga oshirildi.

Bunda belgilangan miqdorlar quyidagicha:

• Pensiyani hisoblashning bazaviy miqdori: oyiga 428 000 so‘m;
• Yoshga doir eng kam pensiya miqdori: oyiga 834 000 so‘m;
• Nogironlik pensiyalarining eng kam miqdori: oyiga 920 000 so‘m.

2024-yil 1-oktyabrdan boshlab esa:

• Byudjet tashkilotlarida ishlovchi tibbiyot xodimlari, pedagoglar va boshqa soha xodimlarining ish haqi miqdori 15 foizga oshiriladi.
• Umumiy byudjet tashkilotlari xodimlarining ish haqi miqdori esa 10 foizga oshiriladi, tibbiyot va pedagog xodimlari bundan mustasno.
• Mehnatga haq to‘lashning eng kam miqdori: oyiga 1 155 000 so‘m etib belgilandi.
• Bazaviy hisoblash miqdori: 375 000 so‘m etib tasdiqlandi.