Qarzdorlik bilan o‘qishni ko‘chirgan talabalar qanday yo‘l tutishi kerak?

Birinchi semestrda qarzdorligi bor talabalar uchun muhim ma’lumot

O‘qishini ko‘chirgan, biroq 1-semestrda yopilmagan fani (qarzdorligi) bor talabalar aloqa xatini olishda muammoga duch kelishi mumkin. Bunday holatda qanday yo‘l tutish kerak?

📌 393-sonli qarorga ko‘ra, agar talabaning birinchi semestrda yopilmagan fani bo‘lsa, uning o‘qishini ko‘chirishga bergan arizasi rad etilishi mumkin.

📌 Lekin 2024-yil qishki perevodda shartli ravishda qarzdorligi bor 1-kurs talabalarining arizalari qabul qilindi va ularning ko‘pchiligi o‘qishini ko‘chirishga tavsiya etildi.

Bu holatda qanday yo‘l tutish kerak?

1. Aloqa xatini olish uchun 1-semestrdagi qarzdorlikni avvalgi oliygohingizda yopishingiz shart.
2. Yangi transkript olishingiz kerak, unda 1-semestrdagi qarzdorlik butunlay yopilgan bo‘lishi lozim.
3. Olingan transkript bilan o‘qishingizni ko‘chirgan oliygohga borib, aloqa xatini olish mumkin.

⚠️ Muhim farq

• 1-kurs 1-semestrdagi qarzdorlikni faqat avvalgi oliygohingizda yopishingiz mumkin.
• 2-kurs va undan yuqori kurslarda qarzdorlik bo‘lsa, yangi oliygohingizda yopishingiz mumkin.