20-yanvar kuni qishki “perevod” uchun arizalar qabul qilish tugaydi

Qishki “perevod”ga barcha ham hujjat topshirolmaydi. Faqat 2 ta uzrli sababi borlarga ruxsat.

Quyidagilar uzrli sabablar hisoblanadi:

1. talaba oila qurishi munosabati bilan turmush o‘rtog‘i doimiy yashaydigan hududdagi OTMga o‘qishini ko‘chirish uchun;
2. davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirish uchun (tegishli vazirlik (idora) rahbarining tavsiyasi asosida).

Arizalarni Hududiy ishchi guruhlarga berish kerak (yuqoridagi suratda manzili va telefon raqamlari berilgan).

Hududiy ishchi guruhlarga quyidagi hujjatlar taqdim etiladi:

• o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
• talabaning reyting daftarchasi yoki belgilangan shakldagi akademik maʼlumotnoma yoki transkript nusxalari (bittasi bo‘lsa yetarli);
• pasport nusxasi;
• yuqorida qayd etilgan uzrli sabablarni asoslovchi tegishli hujjatlar.

Xorijdan yoki O‘zbekistondagi nodavlat OTMlardan O‘zbekistondagi davlat OTMga o‘qishni ko‘chirish uchun arizalar hozir qabul qilinmaydi. Ular faqat yoz oylarida onlayn ariza topshiradi hamda testga kirishadi.