Rahbar kadrlarni baholash markazi tashkil etiladi

Rahbar kadrlarni baholash markazi tashkil etiladi

Hukumatning 2024-yil 4-oktabrda qabul qilingan “Rahbar kadrlarni baholash markazini tashkil etish to‘g‘risida”gi qarori (629-son) bilan Davlat xizmatini rivojlantirish agentligi muassisligida Rahbar kadrlarni baholash markazi tashkil etiladi. Ushbu markaz rahbar kadrlarni tanlash va baholash jarayonini yaxshilashga qaratilgan bir qator vazifalarni amalga oshiradi.

Markazning asosiy vazifalari quyidagilardan iborat:

• Ijtimoiy-psixologik tadqiqotlar asosida davlat fuqarolik xizmatchilari uchun kompetensiyalar modeli va indikatorlarini ishlab chiqish.
• Davlat fuqarolik xizmatchilarini shaxsiy-professional diagnostika qilish, kompetensiyalar modeli asosida ularni kompleks baholash.
• Yangi baholash uslublarini ishlab chiqish va joriy qilish, kompetensiyalarni baholash jarayonini zamonaviylash.
• Baholash natijalariga ko‘ra rahbar kadrlar uchun shaxsiy-professional rivojlanish trayektoriyasini ishlab chiqish va amalga oshirish.
• Rahbar lavozimiga nomzodlarning kasbiy bilimlari, qadriyatlari va aqliy salohiyatini aniqlash uchun test sinovlari va psixologik so‘rovnomalar o‘tkazish.
• Rahbar kadrlar faoliyatini baholash va monitoring qilish, ularni saralab olish va joy-joyiga qo‘yish jarayonlariga raqamli texnologiyalarni joriy etish.
• Markaz faoliyatiga oid ilmiy tadqiqotlar va ekspert-tahliliy ishlarni olib borish.

Ushbu markazning tashkil etilishi rahbar kadrlar sifatini oshirish, ularni baholashda adolatli va zamonaviy uslublardan foydalanishga yordam beradi.