Pedagoglar uchun ogohlantirish: attestatsiya to‘lovi qaytarilmaydi

Pedagog kadrlar uchun attestatsiyaga hujjat topshirishda e’tiborli bo‘lish shart. Hukumatning 2021-yil 17-sentabrdagi 572-sonli qarori bilan tasdiqlangan nizomga ko‘ra, ayrim hollarda attestatsiya uchun to‘langan yig‘im pullari qaytarilmaydi.

Quyidagi holatlarda to‘langan pul qaytarilmaydi:

• Attestatsiyadan voz kechgan;

• Amaldagi malaka toifasini himoya qila olmagan;

• Attestatsiyadan o‘ta olmagan;

• Noto‘g‘ri ma’lumotlar yoki qalbaki hujjatlar taqdim qilgan;

• Navbatdan tashqari hujjat topshirib, aslida navbatdagi (majburiy) attestatsiyada qatnashishi kerak bo‘lgan.

Bunday hollarda attestatsiya jarayoni to‘xtatiladi va hech qanday mablag‘ qaytarilmaydi (Nizomning 25-bandi asosida).

Pul qaytarilmaydigan xatolarni oldini oling:

❗️ To‘lov qilishdan oldin quyidagilarni tekshiring:

• Siz uchun hozirgi attestatsiya **majburiy (navbatdagi)**mi yoki navbatdan tashqarimi?

• Sertifikatingiz muddatini aniqlang, aks holda arizangiz rad etilishi mumkin.

• Rasmiy manbalar orqali aniqlik kiriting.

Qachon pul qayta undirilmaydi?

Agar pedagog kadr uzrli sabablarga ko‘ra attestatsiyaga kela olmasa (masalan: tibbiy sabab, davlat vazifasida ishtirok, chet el safarlari, yaqin qarindoshning vafoti), attestatsiya boshqa muddatga ko‘chiriladi, ammo yig‘im qaytadan olinmaydi.