Yakuniy imtihon 2025: 9- va 11-sinflar uchun rasmiy tartib e’lon qilindi

Yakuniy imtihon – 2025: 9- va 11-sinflar uchun rasmiy tartib

O‘zbekiston Respublikasi Maktabgacha va maktab ta’limi vazirligining 2025-yil 20-fevraldagi 65-sonli buyrug‘iga ko‘ra, 2024/2025-o‘quv yilida yakuniy davlat attestatsiyasi (YDA) quyidagi tartibda o‘tkaziladi:

🗓 Imtihon sanasi:

• 9- va 11-sinflar uchun: 2025-yil 26-maydan 15-iyungacha

• Jismoniy tarbiya (9-sinf): 2025-yil 1–6-may

• Kasbiy ta’lim fanidan (11-sinf, ayrim maktablarda): 17–20-iyun

✅ Imtihon topshiriladigan majburiy fanlar:

9-sinf:

• Ona tili va adabiyot / Davlat tili – yozma shaklda

• Matematika – yozma shaklda

• O‘zbekiston tarixi – og‘zaki yoki yozma

• Jismoniy tarbiya – amaliy

11-sinf:

• Ona tili va adabiyot / Davlat tili – yozma

• Matematika (Asosiy yoki Chuqurlashtirilgan) – yozma

• Tarix – yozma yoki og‘zaki

• Tanlov fanlari (2 ta):

  • Biologiya, Fizika, Kimyo, Geografiya, Davlat huquq asoslari, Chet tili – yozma yoki og‘zaki

📌 Chuqurlashtirilgan matematika tanlaganlar faqat 1 ta tanlov fanidan imtihon topshiradilar.

📌 Tanlov fanlari o‘quvchining arizasiga asosan, imtihondan bir oy oldin aniqlanadi.

🟢 Sertifikati borlar uchun imtiyoz:

• 2-ilovada belgilangan milliy yoki xalqaro sertifikati bor o‘quvchilar (masalan, CEFR, IELTS, va h.k.) tegishli fandan YDA topshirmaydi, ular sertifikat bahosi asosida baholanadi.

🎯 Imtihon variantlari qanday aniqlanadi?

• Yozma imtihonlar uchun imtihondan bir kun oldin qur’a tashlash yo‘li bilan 2 ta variant tanlanadi

• Tanlangan variantlar rasmiy veb-saytda e’lon qilinadi

• Respublika bo‘yicha barcha o‘quvchilar bir xil variant asosida imtihon topshiradi