2025-yilgi kirish imtihoni uchun to‘lov qancha bo‘ladi? Rasman ma’lum qilindi

O‘zbekiston Respublikasi qonunchiligiga ko‘ra, abituriyentlar kirish imtihonlarida qatnashish uchun to‘lov amalga oshiradi. Bu to‘lov miqdori har yili bazaviy hisoblash miqdori (BHM) asosida belgilanadi.

2025-yilda:

• BHM – 340 000 so‘m

• To‘lov esa BHMning yarim baravari, ya’ni 170 000 so‘m etib belgilandi.

Mazkur tartib “O‘zbekiston Respublikasida ta’lim to‘g‘risida”gi nizom asosida rasmiylashtirilgan bo‘lib, o‘rta ta’limni avvalgi yillarda tugatgan abituriyentlar uchun amal qiladi.

Kimlar to‘lov qiladi?

• Avvalgi yillarda maktabni bitirgan abituriyentlar

• Oliy ta’limga kirish uchun test sinovlarida qatnashmoqchi bo‘lganlar

Kimlar to‘lovdan ozod?

Quyidagi toifadagi abituriyentlar 170 ming so‘mlik test to‘lovidan ozod etiladi:

• Shu yili maktabni tugatgan bitiruvchilar

• Nogironligi bo‘lgan shaxslar

• Mehribonlik uylari va bolalar shaharchasi tarbiyalanuvchilari

• “Ijtimoiy himoya yagona reyestri”da ro‘yxatda turganlar va ularning farzandlari

• “Yoshlar daftari”dagi yoshlar

Eslatma: Test to‘lovi imtihonda ishtirok etish uchun zarur hujjat hisoblanadi. To‘lov amalga oshirilmasa, abituriyent testga kiritilmaydi.