2025-yilgi milliy sertifikat imtihoni natijalari chiqdi
Milliy sertifikat imtihoni natijalari e’lon qilindi! Natijalarni my.gov.uz orqali bilib oling va sertifikatning taqdim etgan imtiyozlarini ko‘rib chiqing.
2025-yilgi milliy sertifikat imtihoni natijalari e’lon qilindi
25-26-yanvar kunlari bo‘lib o‘tgan kimyo va biologiya fanlari bo‘yicha milliy sertifikat imtihoni natijalari e’lon qilindi. Imtihonda ishtirok etgan talabgorlar my.gov.uz saytidagi "Mening arizalarim" bo‘limi orqali o‘z natijalarini bilishlari va sertifikatni elektron shaklda yuklab olishlari mumkin.
Baholash mezonlari
Test natijalari xalqaro Rash modeli asosida hisoblangan bo‘lib, to‘plangan ballar quyidagicha baholanadi:
- 70+ ball – A+ daraja
- 65 – 69,9 ball – A daraja
- 60 – 64,9 ball – B+ daraja
- 55 – 59,9 ball – B daraja
- 50 – 54,9 ball – C+ daraja
- 46 – 49,9 ball – C daraja
Sertifikat imtiyozlari
Sertifikat egalari OTM bakalavriatiga kirish test sinovlarida tegishli fandan quyidagi imtiyozlarni qo‘lga kiritadi:
- A+ va A darajali sertifikat – mutaxassislik fanidan maksimal ball
- B+, B, C+ va C darajali sertifikat – mutaxassislik fanidan proporsional ball
Shuningdek, akademik litseylarga kirish test sinovlarida sertifikatga ega bo‘lgan o‘quvchilarga tegishli fandan maksimal ball beriladi.
