15 nafar talabgor chet tilini bilish darajasini aniqlash test sinovlaridan chetlatildi

2023-yil 12-fevral kuni chet tilini bilish darajasini aniqlash test sinovlarining yozma (tinglab tushunish, o‘qish, yozma ish) qismi bo‘lib o‘tdi, deya bilim va malakalarni baholash agentligi xabar bermoqda.

Test sinovlari talabgorlarga qulay bo‘lishi uchun barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etildi. Unda jami 6 551 nafar talabgor ishtirok etdi va 15 nafar talabgor tartib-qoidani buzgani uchun test sinovidan chetlatildi.

Agentlikning eslatishicha, gapirish ko‘nikmasini baholash imtihonlari esa 9-fevral kuni boshlangan bo‘lib, 16-fevralga qadar davom etadi.