“Hokim stipendiyasi” joriy etildi

Unga koʻra, Toshkent viloyatidagi umumtaʼlim maktablari professional va oliy taʼlim muassasalarida tahsil olayotgan iqtidorli hamda ijodkor yoshlarni moddiy va maʼnaviy qoʻllab-quvvatlash, munosib taqdirlash maqsadida “Hokim stipendiyasi”ning Nizomi ishlab chiqildi.

Tanlov bir yilda bir marotaba oʻtkazilib, gʻoliblar 3 toifada (umumtaʼlim maktablari, professional va oliy taʼlim muassasalari) yoshlari orasidan 3 ta oʻrinda aniqlanadi. Xususan, 1-oʻrin uchun eng kam oylik ish haqining 3 barobari, 2-oʻrin uchun eng kam oylik ish haqining 2 barobari, 3-oʻrin uchun eng kam oylik ish haqining 1 barobari miqdoridagi stipendiya 1 yil davomida toʻlab beriladi.