Nordic International University’da Orientation Week start oldi!

Toshkent shahridagi Nordic International Universityda yangi o‘quv yilini boshlayotgan birinchi bosqich talabalar uchun an’anaviy Orientation Week dasturi boshlandi. Tadbir universitetning yangi, zamonaviy o‘quv binosida tashkil etildi.

Dastlabki kunda universitet rektori va professor-o‘qituvchilar so‘zga chiqib, talabalarni iliq kutib olishdi hamda universitetdagi ta’lim jarayoni, xalqaro hamkorlik dasturlari va talabalarga yaratilgan sharoitlar haqida ma’lumot berishdi.

Kun davomida talabalar uchun turli tanishuv o‘yinlari, jamoaviy mashg‘ulotlar va pizza party o‘tkazilib, samimiy muhit yaratildi. Talabalar bu jarayon orqali yangi do‘stlar orttirish va universitet hayotiga tezroq moslashish imkoniyatiga ega bo‘ldilar.

📌 Ma’lumot uchun, hafta davomida akademik seminarlar, sport va madaniy tadbirlar hamda turli musobaqalar rejalashtirilgan.

✍️ Eslatib o‘tamiz, Nordic International University’da qabul jarayoni 30-sentyabrgacha davom etadi.