Onlayn hujjat topshirish bo‘yicha batafsil qo‘llanma

Oliy taʼlim vazirligi axborot xizmati abituriyentlar o‘qishga kirish uchun hujjatlarni onlayn tarzda topshirishi mumkinligi haqida xabar bergan edi. Bunda abituriyentlar uchun uydan chiqmagan holda mobil telefon yoki kompyuter yordamida onlayn ro‘yxatdan o‘tish imkoniyati yaratildi.

Oliygoh.uz jamoasi Davlat test markazining rasmiy abitur.dtm.uz veb-sayti orqali ro‘yxatdan o‘tish bo‘yicha qo‘llanmani taqdim etadi. My.gov.uz sayti orqali ro‘yxatdan o‘tish uchun maqola so‘ngida videoqo‘llanmani ham ko‘rishingiz mumkin.

Tizimga kirish

Abituriyentlar abitur.dtm.uz sayti orqali ro‘xatdan o‘tadi. Tizimga kirish uchun telefon raqam va maxfiy kalit so‘zni kiritish kerak.

Telefon raqam yetti raqamli formatda kiritiladi va sakkizta belgidan kam bo‘lmagan kalit so‘z kiritilib, “Kirish” tugmasi bosiladi. Shundan so‘ng, kiritilgan telefon raqamiga maxsus SMS-kod keladi va u besh daqiqa ichida kiritilib, tasdiqlanishi kerak.

Shaxsiy maʼlumotlarni kiritish

Tizimga kirgandan so‘ng pasport maʼlumotlarini to‘ldirish so‘raladi.

Birinchi satrda abituriyent o‘zining identifikatsiya raqamini kiritishi kerak. Identifikatsion raqam pasportning pastgi qismida joylashgan va 14 ta raqamdan iborat.

Identifikatsion raqamning pasportda joylashishi.

Keyingi qatorlarda pasport seriyasi, pasport raqami va abituriyent millati kiritiladi. «Shaxsiy maʼlumotlarimdan foydalanishga roziman» bo‘limini tasdiqlab, “Saqlash” tugmasini bosish kerak.

Keyingi bosqichda abituriyent tugatgan taʼlim muassasasi haqidagi maʼlumotlarni to‘ldiradi: muassasa turi, davlat, viloyat, tuman, muassasa nomi, taʼlim muassasasini tugatgan yili, hujjat seriyasi va raqami.

Agar abituriyentda imtiyozlar bo‘lsa

Agar abituriyent imtiyozga ega bo‘lsa, shaxsiy maʼlumotlarni kiritib bo‘lgach, bosh sahifada joylashgan «Imtiyozlar 2020» bo‘limida o‘z imtiyozlari haqidagi maʼlumotlarni kiritishi mumkin.

Imtiyozlar bo‘limida nogironligi bo‘lgan shaxslar, harbiy qism qo‘mondonligi tavsiyanomasiga ega, ko‘zi ojizlar, chet tili sertifikatiga ega abituriyentar o‘z imtiyozlarini kiritadi. Boshqa turdagi imtiyozlar tegishli idoralardan olingan maʼlumotlar asosida to‘ldiriladi.

Chet tili sertifikatini kiritish namunasi:

Agar abituriyent chet tili sertifikatiga ega bo‘lsa qo‘yidagi maʼlumotlarni to‘ldirishi kerak: hujjat seriyasi va raqami, hujjat berilgan sana, amal qilish muddati, chet tili turi, sertifikat turi, darajasi va hujjat rasmi. So‘ng, “Saqlash” tugmasini bosish kerak.

OTM tanlash

Shaxsiy maʼlumotlar va, agar mavjud bo‘lsa, imtiyozlar to‘g‘risidagi maʼlumotlarni kiritib bo‘lgach, abituriyent OTMlarni tanlash mumkin.

Suratda faqat uchta yo‘nalish ko‘rsatilgan. Abituriyentlar beshta yo‘nalish tanlashlari mumkin.

Yo‘nalish tanlash qo‘yidagicha amalga oshiriladi:

1. Taʼlim shaklini tanlanash: kunduzgi, sirtqi yoki kechgi.

2. Taʼlim tilini tanlash: o‘zbekcha, ruscha, qoraqalpoqcha.

3. Test topshirish grafikasini tanlash: lotincha yoki kirillcha.

4. Birinchi tanlagan OTMga va yo‘nalishga qarab, mos bo‘lgan yana to‘rtta OTM va ularning yo‘nalishini tanlash imkoni beriladi.

5. Test topshirish hududi: abituriyent test topshirish uchun o‘ziga qulay bo‘lgan viloyatni tanlaydi.

6. “Saqlash” tugmasi bosiladi.

Keyin ro‘yhatdan o‘tish paytida ko‘rsatilgan telefon raqamiga maxsus SMS-kod keladi va uni qo‘yidagi bo‘limga kiritish kerak:

Shundan so‘ng, abituriyent qayd varaqasi shakllanadi.

Agar abituriyent tizimga kirish parolini yo‘qotib qo‘ysa, parolni tiklash bo‘limi orqali parolini tiklashi yoki o‘zgartirishi mumkin.

Invoys to‘lov

Test sinovlari tashkil etilayotgan o‘quv yilidan avvalgi yillarda taʼlim muassasalarini tugatgan abituriyentlarning test sinovlarida ishtirok etishi uchun bazaviy hisoblash miqdorining yarim baravari miqdorida, (hozirda 111 500 so‘m) to‘lov amalga oshirish kerak bo‘ladi. Ariza to‘ldirilgach, abituriyent qayd varaqasining quyi qismida invoys hosil bo‘ladi va to‘lovni belgingan muddatda to‘lash shart. To‘lovni elektron to‘lov tizimlari (click, payme, upay, paynet va boshqalar) yoki bank kassalari orqali amalga oshirish mumkin.

Nogironligi bo‘lgan yoki davlat taʼminotidagi shaxslar bu to‘lovni amalga oshirmaydi.

Maʼlumotlar to‘liq va to‘g‘ri kiritilgach, telefon raqamiga «Siz ro‘yxatdan o‘tdingiz» mazmunida sms-xabar keladi.

Abituriyent ro‘yxatdan o‘tish muddati tugagunga qadar (20 iyulgacha) imtiyozlarini, tanlagan taʼlim yo‘nalishlarini, doimiy yashash manzilini va tugatgan taʼlim muassasasini o‘zgartirishi mumkin.

Davlat test markazining onlayn hujjat topshirish bo‘yicha video qo‘llanmasi:

My.gov.uz sayti orqali

OTMlarga hujjatlarni interaktiv davlat xizmatlari yagona portali orqali topshirsa ham bo‘ladi — my.gov.uz.

Manba: Gazeta.uz