Ota-onalar farzandlarining maktabga borishini ta’minlashi shart

Ota-onalar farzandlarining ta’lim olishini ta’minlashga majbur. Bu “Ta’lim to‘g‘risida”gi qonunning 51-moddasida belgilangan bo‘lib, unga ko‘ra, ota-onalar yoki ularning o‘rnini bosuvchi shaxslar bolalarining umumiy o‘rta, o‘rta maxsus yoki boshlang‘ich professional ta’lim olishini nazorat qilishi shart.

Qonuniy javobgarlik va jarimalar

Agar ota-onalar bolalarining ta’lim olishini ta’minlamasa, ularga nisbatan Ma’muriy javobgarlik to‘g‘risidagi kodeksning 47-moddasiga binoan jarima solinishi mumkin:

• 375 000 so‘mdan 1 875 000 so‘mgacha jarima – agar ota-onalar bolalarining maktabga muntazam borishini ta’minlamasa.
• 1 875 000 so‘mdan 3 750 000 so‘mgacha jarima – agar shu qonunbuzarlik bir yil ichida takrorlansa.
• 3 750 000 so‘mdan 5 625 000 so‘mgacha jarima – ota-onalar bolalarining ta’lim olishini to‘sqinlik qilgan taqdirda.
• 5 625 000 so‘mdan 9 375 000 so‘mgacha jarima yoki 15 sutkagacha ma’muriy qamoq – agar ushbu huquqbuzarlik yana takrorlansa.

Pedagoglarga to‘sqinlik qilish ham jazolanadi

Bundan tashqari, agar kimdir maktab o‘qituvchilarining xizmat vazifasini bajarishiga noqonuniy aralashsa yoki ularga to‘sqinlik qilsa, quyidagi jarimalar belgilanadi:

• Fuqarolar uchun 1 875 000 so‘mdan 2 625 000 so‘mgacha jarima
• Mansabdor shaxslar uchun 2 625 000 so‘mdan 3 750 000 so‘mgacha jarima
• Agar qonunbuzarlik takrorlansa, jarima fuqarolar uchun 2 625 000 so‘mdan 3 750 000 so‘mgacha, mansabdor shaxslar uchun 3 750 000 so‘mdan 5 625 000 so‘mgacha oshiriladi

Ota-onalar farzandlarining maktabga muntazam qatnashishini nazorat qilishi shart, aks holda, qonuniy javobgarlikka tortilishi mumkin.

Manba: Lex.uz