Samarqandda 19 yoshli talaba o‘z joniga qasd qildi
27-fevral 05:39
Samarqandda 19 yoshli talaba qiz joniga qasd qildi
24-fevral kuni Samarqand shahrida 19 yoshli talaba qizning o‘zini 9-qavatdan tashlab joniga qasd qilgani aks etgan video ijtimoiy tarmoqlarda tarqaldi.
Bosh prokuratura matbuot xizmati rahbari Hayot Shamsutdinov Uzreport.news nashriga bergan ma’lumotga ko‘ra, ushbu fojea 19-fevral kuni soat 17:00 atrofida sodir bo‘lgan.
Marhuma – 2005-yilda tug‘ilgan S.M. bo‘lib, u Samarqand shahridagi ko‘p qavatli uyning 9-qavatidan sakrab, joniga qasd qilgan.
Hodisa joyi tergov-tezkor guruhi tomonidan ko‘zdan kechirilib, o‘lim sabablarini aniqlash uchun sud-tibbiy ekspertizasi tayinlangan.
Dastlabki ma’lumotlarga ko‘ra, ushbu fuqaro ISFT xususiy institutining talabasi bo‘lgan.
Holat bo‘yicha surishtiruv ishlari davom etmoqda.