Talabalarning kontrakt to‘lovining 35 foizi Yoshlar ittifoqi tomonidan qoplanishi mumkin

Talabalar kontrakt to‘lovining 35 foizi Yoshlar ittifoqi tomonidan to‘lab berilishi mumkin

“O‘zbekiston yoshlar ittifoqining faol a’zosi bo‘lgan talabalarni moddiy qo‘llab-quvvatlash tartibi to‘g‘risida”gi nizomga ko‘ra, oliy ta’lim muassasalarida to‘lov-kontrakt asosida o‘qiyotgan talabalar kontraktining 35 foizi Ittifoq tomonidan to‘lab berilishi mumkin.

Moddiy yordam kimlarga beriladi?

✅ Bakalavriat va magistratura bosqichlarida kunduzgi ta’lim shaklida tahsil olayotgan talabalarga

✅ Davlat komissiyasining qarori asosida qo‘shimcha to‘lov-kontrakt asosida bakalavriatga qabul qilingan talabalarga ikkinchi kursdan boshlab

Talabalar bu imkoniyatdan Yoshlar ittifoqining oliy ta’lim muassasalaridagi boshlang‘ich tashkiloti faoliyatida faol qatnashgan taqdirda foydalanishi mumkin.

Moddiy yordam olish shartlari

• Talabalar kontraktining 65 foizini belgilangan muddatda o‘zlari to‘lashi kerak.
• Shundan so‘ng, Ittifoq qolgan 35 foiz miqdorini qoplab beradi.

Moddiy yordam berilmaydigan holatlar

❌ Ikkinchi mutaxassislik, sirtqi va kechki ta’lim shaklida tahsil olayotgan talabalarga

❌ Harbiy xizmatni o‘tab, tavsiyanoma bilan o‘qishga qabul qilingan va allaqachon Ittifoq tomonidan qo‘llab-quvvatlanayotgan talabalar

Ushbu dastur faol talabalarni rag‘batlantirish va moddiy jihatdan qo‘llab-quvvatlash maqsadida joriy etilgan bo‘lib, oliy ta’limda kontrakt to‘lovini yengillashtirishga yordam beradi.