Tavsiyanoma bor xotin-qizlar avtomatik o‘qishga kirmaydi

Ayrim abituriyentlar orasida “tavsiyanomasi bor xotin-qizlar imtihonsiz talaba bo‘ladi” degan noto‘g‘ri tushuncha shakllanmoqda. Aslida esa bu holat mutlaqo noto‘g‘ri.

Tavsiyanoma bor degani — avtomatik talaba bo‘ldi degani emas

O‘zbekiston oliy ta’lim tizimida xotin-qizlar uchun ikki turdagi tavsiyanoma mavjud:

1. Ehtiyojmand oilalardan chiqqan qizlar uchun tavsiyanoma – bu turdagi imtiyoz umumiy kvotaning 4 foizini tashkil etadi.

2. 5 yil ish stajiga ega ayollar uchun tavsiyanoma – bu toifa uchun alohida 500 ta kvota ajratilgan.

Tavsiyanoma olganlar uchun qanday tartib amal qiladi?

• Har ikki toifa xotin-qizlar imtihonda ishtirok etishi shart.

• Ular alohida ajratilgan kvota doirasida tanlovda qatnashadilar.

• Biroq 56,7 balldan kam to‘plaganlar hatto tavsiyanoma asosida ham talabalikka tavsiya etilmaydi.

Shu sabab, tavsiyanoma imtiyoz beradi, lekin avtomatik talabalikni kafolatlamaydi.

Muhim eslatma:

• 5 yillik staj asosidagi 500 talik kvota uchun arizalar 1-maydan boshlab qabul qilinadi.

• Rasmiy manbalar:

  • Normativ-huquqiy hujjat: lex.uz — 4866624