TOP-100 universitetda PhD olgan yoshlarga 800 mln so‘m foizsiz ssuda beriladi

TOP-100 universitetda PhD olgan yoshlarga 800 mln so‘m foizsiz ssuda beriladi

Prezident farmoniga ko‘ra, 2025-yil 1-iyundan boshlab, nufuzli xorijiy universitetlarda ilmiy daraja olgan yosh mutaxassislar uchun uy-joy xarid qilishda katta imtiyoz beriladi.

Tartibning mohiyati quyidagicha:

✅ Xalqaro reyting tashkilotlarining TOP-100 talik ro‘yxatiga kiruvchi xorijiy oliy ta’lim muassasalarida ilmiy daraja (PhD yoki unga teng) olganlar ushbu imtiyozdan foydalanishlari mumkin.

✅ Yosh chegarasi – 35 yoshgacha bo‘lgan mutaxassislar.

✅ Ularga uy-joy sotib olish uchun foizsiz ssuda ajratiladi.

Imtiyoz shartlari:

• Ssuda miqdori – BHMning 2 150 baravarigacha, ya’ni 806 million 250 ming so‘m

• Ssuda uy joylashgan hududdan kelib chiqib ajratiladi

• To‘lov muddati – 10 yil

• Ssuda foizsiz va davlat tomonidan qo‘llab-quvvatlanadi

✅ Bu imtiyoz yuqori malakali yosh mutaxassislarni O‘zbekistonga qaytarish va ularni ijtimoiy qo‘llab-quvvatlashga qaratilgan muhim tashabbusdir.