Toshkentdagi metro yaqinidagi OTMlarda darslar 9-sentyabrdan yangi jadval asosida boshlanadi
9-sentyabrdan boshlab Toshkentdagi metro yaqinidagi 27 ta OTMda darslar yangi jadval asosida boshlanadi. Maqbullashtirilgan ish grafigi talabalarga qulaylik yaratish uchun joriy etildi.
9-sentyabrdan metro bekatlariga yaqin 27 ta OTMda dars jarayonining boshlanish vaqti belgilandi
Toshkent shahar metropolitenida yoʻlovchi oqimini toʻgʻri taqsimlash va talabalarning oʻz vaqtida dars mashgʻulotlariga yetib borishlari uchun qulaylik yaratish maqsadida, metropoliten bekatlariga yaqin joylashgan oliy taʼlim muassasalarining maqbullashtirilgan ish grafigi tasdiqlandi.
Unga koʻra, 2024-yil 9-sentyabrdan boshlab yuqoridagi 27 ta oliy ta’lim maskani talabalari ushbu grafik asosida darslarga qatnashadi. Oliy taʼlim muassasalari roʻyxati va dars boshlanish vaqtlari jadvalda ko‘rsatilgan.
Bu o‘zgarishlar talabalarning dars mashgʻulotlariga vaqtida yetib borishini taʼminlash va yo‘lovchi oqimini maqbul darajada ushlab turish maqsadida amalga oshirilmoqda.
