Uchta OTMda masofaviy ta’lim shakli joriy etiladi

4.07.2020 11:55
Uchta OTMda masofaviy ta’lim shakli joriy etiladi

2020−2021 o‘quv yilidan boshlab tajriba tariqasida uchta oliy ta’lim muassasasida masofaviy o‘qitish shakli joriy etiladi, deya xabar berdi Davlat test markazining matbuot xizmati.

Ma’lum qilinishicha, 2020−2021 o‘quv yilidan boshlab Muhammad al-Xorazmiy nomidagi Toshkent axborot texnologiyalari universiteti, Toshkent davlat yuridik universiteti va Toshkent davlat pedagogika universitetida tajriba tariqasida bosqichma-bosqich masofaviy o‘qitish shakli joriy etilishi rejalashtirilgan.

Xabarga ko‘ra, Axborot texnologiyalari va kommunikatsiyalarini rivojlantirish, Adliya hamda Oliy va o‘rta maxsus ta’lim vazirliklari tomonidan 1 avgustga qadar masofaviy o‘qitish shaklini amalga oshirish tartibi belgilanadi, dasturiy-apparat kompleksi yaratiladi va tegishli OTMlarning o‘quv jarayoniga masofaviy o‘qitish platformasi joriy etiladi hamda zarur bo‘lgan uskunalar bilan jihozlanadi.

Bundan tashqari, 1 sentyabrga qadar ilm-fanning ishlab chiqarish bilan faol integratsiyalashuvini ta’minlash maqsadida fundamental va innovatsion tadqiqotlar uchun maqsadli grant mablag‘larini ajratish mexanizmi tubdan qayta ko‘rib chiqilishi haqida ma’lum qilindi.

Katta muvaffaqqiyatlar kichik qadamlar yig'indisidan iborat
– Registon o‘quv markazi