18 yoshdan 30 yoshgacha bo‘lgan yoshlar ishtirok etishi mumkin. G‘oliblar 100 mln so‘mgacha rag‘batlantiriladi.

Foto: Yevgeniy Sorochin / Spot

Xorazm viloyati startaplari va IT-mutaxassislari uchun “Hokim granti” tanlovi yo‘lga qo‘yildi. Bu haqda “IT Park” matbuot xizmati xabar berdi.

IT-ta’lim, dasturiy ta’minotni ishlab chiqish va eksport qilish sohasidagi loyihalarni qo‘llab-quvvatlashga qaratilgan.

Nomzodlar quyidagi yo‘nalishlar bo‘yicha ariza jo‘natishlari mumkin:

• fan va ta’lim;
• energiya tejamkorlik;
• ijtimoiy-iqtisodiy;
• qishloq xo‘jaligi;
• axborot texnologiyalari;
• sun’iy intellekt texnologiyalarini rivojlantirish;
• sanoat;
• sog‘liqni saqlash.

Yangi startaplar uchun tanlovlar quyidagi nominatsiyalarda tashkil etiladi:

• “Ijtimoiy ahamiyatli innovatsiyalar”;
• “Texnostart”;
• "Eng yosh olim";
• “Eng yaxshi innovatsion loyiha”;
• “Istiqbolli ishlanma”.

Tanlovda 18 yoshga to‘lgan va 30 yoshdan oshmagan yoshlar ishtirok etishi mumkin.

Nomzodlar belgilangan shaklidagi talabnomani to‘ldirishlari kerak.

Tanlov ishtirokchisining talabnomasi biznes-g‘oyaning yangiligi, ijtimoiy ahamiyati, maqsadliligi va mo‘ljallanganligi hamda amaliy tajribasi bo‘yicha baholanadi.

G‘oliblar Xorazm viloyati mahalliy budjetining qo‘shimcha manbalari hisobidan quyidagicha moddiy rag‘batlantiriladi:

• 1-o‘rin — 100 mln so‘m;
• 2-o‘rin — 80 mln so‘m;
• 3-o‘rin — 60 mln so‘m.

Nozmodlar quyidagi havola orqali tanlov nizomi, ariza shakli va taqdimot bilan tanishishlari mumkin.

Hujjatlar “IT Park” Xorazm viloyati filialida qabul qilinadi.