Xorijiy OTMdan oʻqishni koʻchirishning yangi tartibi belgilandi

Bu jarayonlarning tartibi quyidagicha:

- oʻqishni xorijiy davlatlardagi (xalqaro 1 000 talik roʻyxatga kirgan) oliy taʼlim tashkilotlaridan Oʻzbekistondagi davlat OTMning mos va turdosh yoʻnalishlariga koʻchirishda:

- alohida iqtidor talab etiladigan yoʻnalishlar boʻyicha kasbiy (ijodiy) imtihonlar, boshqa yoʻnalishlar boʻyicha test oʻtkaziladi;

- test va kasbiy imtihonlar boʻyicha oʻtish ballari joriy yil 25-iyulgacha, keyinchalik har yili 15-iyulgacha belgilanadi hamda OAVda eʼlon qilinadi;

- oʻtish balidan past ball toʻplagan talabalar tabaqalashtirilgan toʻlov-kontrakt asosida oʻqishga qabul qilinadi;

- test va kasbiy imtihonlar natijalari DTM hamda OTMning rasmiy veb-saytlarida eʼlon qilinadi;

- oʻqishni xorijiy davlatlardagi oliy taʼlim tashkilotlaridan Oʻzbekistondagi davlat OTMning mos va turdosh boʻlmagan yoʻnalishlariga koʻchirishga ruxsat etilmaydi.