Xorijiy tillar bo‘yicha yuqori natija erishgan yoshlarga 30 mlrdan ortiq summa qoplab berildi.

2021-yil 1-maydan 5 turdagi, 2022-yil 1-yanvardan 13 turdagi (jami 18 turdagi) xalqaro imtihon tizimlarida yuqori natijaga erishgan yoshlarning imtihon xarajatlari qoplab berilmoqda. Bugunga qadar mazkur tizim orqali 17 460 nafar yoshning imtihon xarajatlari qoplab berildi va bu qariyb 30,3 mlrd so‘mni tashkil qilmoqda.

E’tiborlisi, mazkur tizimda kompensatsiya olgan qizlar soni bu safar ham yigitlar sonidan ko‘p. Ayol-qizlarimiz 9 489 nafarni, yigitlar esa 7 975 nafarni tashkil etmoqda.

Ro‘yxatga qarasak, eng ko‘p xarajati qoplangan imtihon tizimi IELTS bo‘lib turibdi. Ya’ni boshqacha aytganda, 2 yil ichida 12 ming 713 nafar yoshlar IELTSda C1 va undan yuqori natija qayd etgan.