Yapon maktablaridagi qoidalar:

Yapon maktablaridagi qattiq, lekin samarali qoidalar

Yaponiyada ta’lim tizimi o‘ziga xos tartib-intizom, odob-axloq va ijtimoiy mas’uliyatga urg‘u berilgan qoidalari bilan ajralib turadi. Quyida yapon maktablarida amal qilinadigan asosiy qoidalar bilan tanishing.

Ishqiy munosabatlar – qatʼiyan man etiladi

Yapon maktablarida o‘quvchilar orasida romantik yoki ishqiy munosabatlar o‘rnatishga ruxsat berilmaydi. Bu qoidaning maqsadi – yoshlarning diqqatini to‘liq o‘qishga va rivojlanishga yo‘naltirishdir.

Bufet yo‘q, ovqat sinfxonaga olib kelinadi

Yapon maktablarida alohida bufet mavjud emas. Davlat tomonidan belgilangan sog‘lom ovqatlar sinfxonalarga olib kelinadi va o‘quvchilar ovqatni to‘liq iste’mol qilishlari shart hisoblanadi. Bu orqali isrof va tanlab ovqatlanish odatiga qarshi kurashiladi.

Yozgi ta’til anʼanasi mavjud emas

Yaponiyada odatdagi uch oylik yozgi ta’til o‘rniga yil davomida besh haftalik qisqa kanikullar mavjud. Shu davrda ham o‘qituvchilar o‘quvchilar bilan shug‘ullanishda davom etadi.

Maktabni o‘quvchilar o‘zlari tozalaydi

Yapon maktablarida farrosh yo‘q. Har bir o‘quvchi o‘z sinfini va atrofini tozalashga mas’ul. Bu esa ularda tartib, poklik va jamoaviylik hissini shakllantiradi.

Ko‘rinishdagi soddalik – soch va kosmetika qoidalari

O‘quvchilarga lak, bo‘yoq, turli-tuman soch turmaklari taqiqlanadi. Oqsoqollar odami kabi kamtar va oddiy ko‘rinishga urg‘u beriladi.

Forma – tenglik ramzi

Boshlang‘ich sinfdan so‘ng barcha o‘quvchilar forma kiyishga o‘tadi. Bu har bir o‘quvchining tengligini ta’minlashga xizmat qiladi.

Suzish – majburiy ko‘nikma

Har bir o‘quvchi maktabdagi basseynda suzishni o‘rganishi shart. Bu faqat sport emas, balki hayotiy ko‘nikma sifatida qaraladi. Sinovdan o‘ta olmaganlar uchun qo‘shimcha darslar tashkil etiladi.

Iqtidor – jamoaviylikda

Yapon maktablarida “faqat eng zo‘rlar ajralib turadi” degan tushuncha yo‘q. Har bir o‘quvchi o‘ziga xos, betakror deb qaraladi. O‘quvchilarni tenglashtirish, o‘zaro yordam, jamoaviy muvaffaqiyatga erishish maqsad qilinadi.

Xulosa

Yapon ta’lim tizimi intizom, mas’uliyat, va mehnatsevarlikni birinchi o‘ringa qo‘yadi. Bu qoidalar nafaqat yaxshi o‘qitish, balki yaxshi tarbiya berishga xizmat qiladi. Har bir o‘quvchi o‘z jamoasiga, maktabiga va jamiyatiga foydali bo‘lishga yo‘naltiriladi.