2025-yilgi qabul jarayoni yaqinlashmoqda: bosqichlar bilan tanishing

2025/2026-o‘quv yili uchun davlat oliy ta’lim muassasalariga qabul jarayoni boshlanganiga sanoqli kunlar qoldi. Amaldagi tartibga ko‘ra, hujjatlar ikki bosqichda qabul qilinadi va qabul jarayoni 5-iyundan boshlanishi kutilmoqda.

1-bosqich: Fan tanlash

Abituriyentlar birinchi navbatda:

• O‘qishni istagan OTMga kirish uchun imtihon topshiriladigan fanlarni tanlaydi;

• Bu bosqich 5-iyun – 25-iyun oralig‘ida amalga oshiriladi (shu kuni ham).

Eslatma: Bu bosqichda abituriyent hali qaysi OTM, yo‘nalish yoki ta’lim shaklini tanlamaydi — faqat test topshiriladigan fanlar belgilanadi.

2-bosqich: Yo‘nalish va OTM tanlash

• Kirish test sinovlari yakunlangach, 15 kun ichida abituriyentlar:

  • OTM nomi

  • Ta’lim yo‘nalishi

  • Ta’lim shakli (kunduzgi, sirtqi, kechki)ni tanlaydi.

Bu bosqich yakunida abituriyentlar asosiy tanlovni amalga oshiradi.

Kollej va texnikumlar uchun qanday?

Kollej yoki texnikumda o‘qishni istagan abituriyentlar:

• OTMga qabul yakuniy natijasi e’lon qilingandan so‘ng,

• 10 kun ichida kasb/mutaxassislik va ta’lim shaklini tanlaydi.