Abituriyent! Talaba boʻlmoqchimisiz, unda, albatta, oʻqing!

Abituriyent — hayotingni o‘zgartirish yo‘lidagi birinchi qadam

Abituriyent — bu hayotini o‘zgartirish uchun yo‘lga chiqqan shaxsdir. Hamma odam bo‘lib tug‘iladi, ammo ba’zilar inson bo‘lib yashaydi, boshqalar esa oddiy odamligicha vafot etadi. Hayotingni boshqalar uchun yomonlik qilmasdan o‘tkazish hali yetarli emas.

Agar hamma narsaga loqayd bo‘lsang, faqat o‘zingni o‘ylasang, dangasa bo‘lsang va hech bo‘lmasa bir marta hayotingni o‘zgartirishga urinib ko‘rmasang, insonlikka da’vo qilishning o‘zi noto‘g‘ri.

Inson uchun doimo harakatda bo‘lish — tiriklikning belgisi.

☝️ Sen bugundan abituriyentsan, bu esa talabalik tomon yo‘l olganingni anglatadi. Demak, sen hayotingni o‘zgartirishni xohlaysan. Endi esa quyidagilarni yodda tut!

Vaqt haqida: “Vaqtim yo‘q” demang

Hohish bo‘lsa, vaqt topiladi

Dunyoni boshqarayotgan eng mashhur insonlarning ham bir kunlik vaqti 24 soat, xuddi siznikidek. Ular qanday qilib vaqt topadi? Sababi — ularda hohish va intilish bor. Shuning uchun, “vaqtim yo‘q” degan bahonalarni bir chetga suring.

Xotira haqida: “Eslab qololmayman” demang

Xotirangni bo‘ysundir

Alloh insoniyatga ulkan xotira ato etgan. Agar istasang, hammasini yodlab olishing mumkin. O‘zingga va xotirangga ishoning, uni mashq qildiring va boshqarishni o‘rgan.

Ong haqida: “Tushunmayman” demang

Inson tushunish uchun yaratilgan

Yer yuzidagi barcha tirik mavjudotlar ichida faqat inson tushunish va tafakkur qilish qobiliyatiga ega. Demak, sen ham xohlasang, istagan narsani tushunishing mumkin.

Xulosa

Abituriyent bo‘lish — bu oddiygina hujjat topshirish emas, balki hayotingni butunlay o‘zgartirishga bo‘lgan jiddiy intilishdir. Harakat qil, vaqtni qadrlab, xotirangni rivojlantirib, ongingni to‘g‘ri yo‘naltir. Talabalik sari ilk qadamni bugun tashla!