Alisher Navoiy nomidagi O‘zbekiston Milliy kutubxonasi “Bolalar va yoshlarni mutolaaga jalb qilish bo‘yicha eng yaxshi uslubiy ishlanma/loyiha” Respublika tanlovini e’lon qiladi.

Tanlovning maqsadi − jamiyatda kitob va kitobxonlikning nufuzini oshirish, kitobni ma’naviy meros sifatida asrab-avaylash va rivojlantirishga qaratilgan eng yaxshi uslubiy ishlanma/loyihalarni aniqlash va ommalashtirish.
Tanlovda turli vazirlik va idoralarning axborot-kutubxona muassasalari mutaxassislari, doktorantlar, magistrantlar va oliy o‘quv yurtlari talabalari, fuqarolarning mutolaaga bo‘lgan qiziqishini oshirish bilan shug‘ullanadigan mutaxassislar ishtirok etishlari mumkin.

Tanlovga ariza va materiallarni qabul qilish muddati 2021-yilning 1- noyabrgacha.

Uslubiy ishlanma/loyihalar quyidagi nominatsiyalar bo‘yicha baholanadi:

• “Interfaol kitob”,
• “Foydalanuvchi bilan ishlashning interfaol shakllari”.

Tanlovga topshirilgan materiallar hakamlar hay’ati tomonidan ko‘rib chiqiladi va g‘oliblar “INFOLIB Uzbekistan – 2021” Milliy axborot-kutubxona haftaligi doirasida taqdirlanadi.

Arizalar info@natlib.uz elektron pochta manziliga “Bolalar va yoshlarni mutolaaga jalb qilish bo‘yicha eng yaxshi uslubiy ishlanma/loyiha” Respublika tanloviga mavzusi bilan yuborilishi lozim.

Tanlovga yuborilgan materiallar tahrir qilinmaydi va qaytarilmaydi.
Ma’lumot uchun telefonlar: (99871) 232-83-90; 239-41-18.