AQSH: Bakalavr va magistratura bosqichida o‘qish uchun qisman moliyalashtirilgan grant dasturi

Universitet va gant dasturi haqida:

Missuri universiteti 1839-yilda tashkil etilgan mahalliy universitetlardan bir hisoblanadi. Talabalar turar joyi 23 ta maxsus bino va kamida ikkita boshqa shahar tashqarisidagi rezidensiyalarni o‘z ichiga oladi.

Universitet tomonidan taqdim etilayotgan grant dasturi xalqaro talabalarni moliyaviy qo‘llab-quvvatlashni nazarda tutadi.

Dastur kimlar uchun?

• Dastur barcha davlatlardan bo‘lgan xalqaro talabalar uchun.

Qaysi ta’lim yo‘nalishlari uchun:

Grant dasturi universitet tomonidan taklif etiladigan barcha bakalavr va magistratura bosqichi dasturlari uchun amal qiladi.

Ariza topshirish jarayoni:

Talabalar universitetning bakalavriat va magistratura dasturlaridan biriga avvalo BU YERDAN ariza topshirishlari va o‘qishga qabul qilinishlari kerak. Grant dasturiga o‘qishga qabul qilingan o‘quvchilar orasidan g‘oliblar avtomatik ajratib olinadi.

Kerakli hujjatlar:

Talabalar universitetga quyidagi hujjatlarni taqdim etishlari shart:

• Rezyume;
• O‘rta maktab/universitet diplomi va tarjimalari;
• Tavsiyanoma xatlari;
• Pasport biografik sahifasining nusxasi;
• Moliyaviy hisobot.

Asosiy talab:

O‘quv dasturlaridan biriga qabul qilinishlari uchun nomzodlar 1260 SAT yoki 27 ACTga ega bo‘lishlari kerak.

Til talabi:

• IELTS - 6.5

Dasturning manfaatli tomonlari:

Missuri universiteti muvaffaqiyat qozongan nomzodlarga 5000 AQSh dollari miqdorida mukofot ajratadi.

Batafsil bu yerda