Davlat OTMlariga hujjat topshirish 20-iyunda boshlanadi: bilishingiz kerak bo‘lganlar

2025/2026-o‘quv yili uchun davlat oliy ta’lim muassasalariga qabul jarayoni 20-iyundan 20-iyulgacha davom etadi. Bu oraliqda abituriyentlar hujjatlarini faqat onlayn shaklda topshirishlari mumkin.

Hujjat topshirish uchun rasmiy platformalar:

• my.uzbmb.uz – “Oliy ta’lim muassasalarining bakalavriatiga qabul” bo‘limi orqali ro‘yxatdan o‘tish mumkin;

• my.gov.uz – yagona interaktiv davlat xizmatlari portali orqali ham hujjat topshirish imkoni mavjud.

Qabul jarayoni qanday tartibda bo‘ladi?

1. Hujjat topshirish – Abituriyentlar ro‘yxatdan o‘tadi va kerakli hujjatlarni yuklaydi;

2. Test sinovlarida qatnashish – Avval kirish imtihonlari topshiriladi;

3. Yo‘nalish tanlash – Imtihon yakunlanganidan so‘ng, abituriyentlar to‘plagan ballari asosida yo‘nalish va oliygohni tanlaydi.

Bu tartib amalga kiritilgan yangi tizim bo‘lib, abituriyentlarga ball asosida oqilona tanlov qilish imkonini yaratadi.