El-yurt umidi jamg‘armasi 2021-2022 o‘quv yili uchun jami 350 o‘ringa mo‘ljallangan ochiq stipendiyalar tanlovini e’lon qildi

30-mart 18:30
El-yurt umidi jamg‘armasi 2021-2022 o‘quv yili uchun jami 350 o‘ringa mo‘ljallangan ochiq stipendiyalar tanlovini e’lon qildi

Muddati:

01.05.2021

Rasmiy havola:

eyuf.uz

Grant turi:

Bakalavriatura, Magistratura, Doktorantura

Dastur maqsadi:

“El-yurt umidi” jamg‘armasi O‘zbekiston Respublikasi uchun eng ustuvor sohalar, jumladan:

  • Kosmik texnologiyalar;
  • Nanotexnologiyalar,
  • IT va raqamlashtirish;
  • Sun’iy intellekt sohalarida atom va kuchyosh energetikasi hamda energiyaning tiklanadigan manbalaridan foydalanishning boshqa yo‘nalishlarda sog‘liqni saqlash;
  • Farmatsevtika;
  • Telemeditsina;
  • Virusologiya;
  • Mikrobiologiya;
  • Immunologiya va boshqa sohalarda elektroenergetika;
  • Neft-gaz;
  • Neft-kimyo;
  • Kimyo;
  • Metallurgiya sohasinig ustuvor tarmoqlarida mashinasozlik, avtomobil, elektrotexnika, to‘qimachilik va mahsulotlarni standartlashtirish yo‘nalishlarida tabiiy resurslardan oqilona foydalanish;
  • Suv tejovchi texnologiyalarni keng jоriy etish;
  • Bog‘dorchilik, sabzavotchilik, chorvachilik, parrandachilik kabi agrar sohanining muhim tarmoqlarda; shuningdek respublikamizdagi boshqa ustuvor sohalar va mutaxassisliklar kesimida 350 o‘ringa mo‘ljallangan ochiq stipendiya bilan munosib nomzodlarni rag‘batlantirishdir.

Grant dasturi tafsilotlari:

El-yurt umidi jamg‘armasi 2021-2022 yili uchun eng nufuzli xorijiy davlatlarda:

- bakalavriat ta’lim dasturi uchun 100 nafar,

- magistratura ta’lim dasturi uchun 150 nafar,

- doktorantura ta’lim dasturi uchun 100 nafar stipendiyalar ajratishi ko‘zda tutilgan.

Agar siz yuqori intellektual salohiyatga ega, zamonaviy va kreativ fikrlaydigan, mamlakat ilm-fani uchun innovatsion g‘oyalar va texnologiyalarni olib kirish hamda uni raqamli asosda qayta shakllantirish asnosida rivojlantirishni o‘z oldiga maqsad qilib qo‘ygan bo‘lsangiz - bu imkoniyat siz uchun!

Tanlovlarda quyidagi shaxslar ishtirok etishi mumkin emas:
  • magistratura dasturlari bo‘yicha — 23 yoshdan kichik va 40 yoshdan katta bo‘lgan, shuningdek, ilgari o‘xshash mutaxassislik bo‘yicha xorijda magistraturada tahsil olganlar;
  • doktorantura dasturlari bo‘yicha — 25 yoshdan kichik va 45 yoshdan katta bo‘lgan, shuningdek, avval PhD yoki fan doktori ilmiy darajasini olganlar;
  • malaka oshirish va stajirovka o‘tash dasturlari bo‘yicha — 25 yoshdan kichik va 50 yoshdan katta bo‘lgan, shuningdek, Jamg‘arma dasturlaridan biri asosida so‘nggi uch yil mobaynida xorijda ta’lim olganlar;
  • xorijda ta’lim olish uchun tanlangan mutaxassislik bo‘yicha 2 yildan kam mehnat tajribasiga, shu jumladan pedagogik stajga ega bo‘lganlar;
  • davlat hokimiyatining saylab qo‘yiladigan organlarida faoliyat yuritayotganlar;
  • og‘ir yoki o‘ta og‘ir jinoyatlarni sodir etganlik uchun sudlanganligi tugallanmagan yoxud sudlanganligi olib tashlanmaganlar.

Qabul jarayoni:

Nomzodlarning xujjatlari 2021-yil 20-iyuldan - 20-avgustga qadar respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qabul qilinadi.

Saralash bosqichlari 2021 yil 1-maydan - 20-mayga qadar davom etadi.

Jamg‘arma stipendiatlarning quyidagi xarajatlarini qoplaydi:

  • - o‘qitish qiymati to‘lovi;
  • - viza olish;
  • - transport vositalari xarajatlari (ikki tomonga, ko‘pi bilan yiligabir marta);
  • - xorijiy mamlakatda yashash, ovqatlanish va transport xarajatlari;
  • - zarur o‘quv va ilmiy adabiyotlar xarid qilish;
  • - xorijiy ta’lim yoki ilmiy muassasasi talabiga binoan maqola chop etish;
  • - ilmiy maqolalar ko‘chirib olish;
  • - maqolalar va ilmiy adabiyotlarning elektron bazasiga obuna bo‘lish;
  • - tibbiy sug‘urta;
  • - Jamg‘arma vasiylik kengashi qaroriga ko‘ra boshqa xarajatlar.
Xorijda ta’lim olishga nomzodlar quyidagi hujjatlarni taqdim qiladilar:
  • tegishli namunadagi ma’lumotnoma-ob’ektivka (anketa);
  • ta’lim olish shakli va yo‘nalishi ko‘rsatilgan holda belgilangan namunadagi komissiya raisi nomiga ariza;
  • belgilangan namunadagi 2 ta fotosurat;
  • oliy ta’lim muassasasini tugatganligini, shuningdek, ilmiy darajasini (fan nomzodi, PhD va fan doktori.), ilmiy unvonini (katta ilmiy xodim, dotsent, professor) tasdiqlovchi diplomlarning nusxasi;
  • mehnat daftarchasi nusxasi (mehnat staji bo‘lganda);
  • pasport nusxasi;
  • belgilangan namunadagi tibbiy ma’lumotnoma;
  • chet tilidan bilim darajasini belgilovchi amaldagi milliy yoki xalqaro sertifikat (Milliy kvalifikatsiya sertifikati, IELTS, TOEFL va shu kabilar);
  • sudlanmaganligi to‘g‘risidagi ma’lumotnoma.

Magistratura yoki doktorantura dasturi bo‘yicha Xorijda ta’lim olgan stipendiatga, oliy ta’lim yoki ilmiy muassasada, shuningdek, vazirliklar, idoralar va boshqa davlat tashkilotlarida egallagan mutaxassisligi bo‘yicha 5 yildan kam bo‘lmagan muddatda uzluksiz ishlab berish majburiyati yuklanadi.

Batafsil rasmiy saytda