Ona tilidan milliy sertifikat imtihonida esseda so‘zlar soni cheklanmaydi

Ona tilidan milliy sertifikat imtihonida esseda so‘z sanalmaydi

Bilimlarni baholash agentligi rasmiy munosabatiga ko‘ra, ona tili bo‘yicha milliy sertifikat imtihonida esse yozish jarayonida so‘zlar soni bo‘yicha qat’iy talab mavjud emas. Shuningdek, buyuk shaxslarning iqtiboslarini keltirish majburiy emas. Talabgorlar mavzu doirasida o‘z fikrlarini dalillar asosida ochib berishlari kerak.

Agentlikning ta’kidlashicha, so‘zlar sonini belgilash amaliyoti o‘quvchini sun’iy ravishda esseni davom ettirishga majbur qiladi. Shu sababli, so‘zlar soni bo‘yicha qat’iy cheklovlar yo‘q.

Esselar avtomatlashtirilgan platforma orqali tekshiriladi, bunda talabgorga berilgan esse anonim ravishda, ism-familiyasi ko‘rsatilmagan holda tekshiruvchilarga taqdim etiladi.