O‘qish joyi va yo‘nalishni jiddiy tanlang: keyin afsuslanmang

Abituriyentlar, perevodga umid qilmang – hozirdanoq to‘g‘ri qaror qabul qiling!

Hurmatli abituriyentlar, sizlardan jiddiy mas’uliyat bilan tanlov qilish so‘raladi. Har yili minglab abituriyentlar “hozir kirib olay, keyin perevod qilaman” degan yondashuv tufayli muammoga duch kelmoqda.

⚠️ Eng keng tarqalgan xatolik: noto‘g‘ri yo‘nalishga topshirish

Masalan: Mevachilik va uzumchilik yo‘nalishiga hujjat topshirib, keyinroq shifokor bo‘laman degan niyat — bu xomxayol. Har ikki yo‘nalish mutlaqo boshqa sohalar va ular orasida perevod deyarli imkonsiz.

🎯 Nima qilish kerak?

✅ Qayerda o‘qish niyatingiz bo‘lsa, hozirdan aynan o‘sha yerga hujjat topshiring.

✅ Agar shifokor bo‘lmoqchi bo‘lsangiz, jiddiy tayyorlaning va tibbiyot yo‘nalishlaridan biriga hujjat topshiring.

✅ O‘zingizga qulay hududni tanlang. Keyin qiynalib, “ota-onamning oldiga perevod qilinglar” deb yurishga hojat qolmaydi.

Hech kim sizni majbur qilmayapti – qaror sizniki. Ammo qabul qilingan qarorga mas’uliyat bilan yondashish ham sizning burchingiz.

❌ Nega perevodga ishonmaslik kerak?

• Perevod har doim ham ruxsat etilmaydi

• Yo‘nalishlar va ta’lim shakllari mos bo‘lmasligi mumkin

• Har bir holat davlat komissiyasi tomonidan ko‘rib chiqiladi

• Ko‘plab talabgorlar rad etilmoqda