O‘rta maxsus va professional ta’lim o‘quvchilari o‘rtasida “Zakovat” turniri g‘oliblari e’lon qilindi!

Zakovat turnirida g‘oliblar aniqlandi: O‘rta maxsus va professional ta’lim muassasalari o‘quvchilari o‘rtasida o‘tkazilgan Zakovat turniri respublika bosqichi natijalari

Keskin raqobat va hayajonga boy o‘tgan “Zakovat” intellektual o‘yini yakunida quyidagi jamoalar g‘oliblikni qo‘lga kiritdi:

• 1-o‘rin: Farg‘ona davlat universiteti akademik litseyi jamoasi
• 2-o‘rin: Qarshi muhandislik-iqtisodiyot instituti akademik litseyi jamoasi
• 3-o‘rin: DXX Chegara qo‘shinlari “Yosh chegarachilar” harbiy-akademik litseyi

G‘olib jamoalarning har bir a’zosi uchun “Zakovat” klubi tomonidan qimmatbaho noutbuklar va medallar taqdim etildi. Shuningdek, endilikda ushbu jamoa a’zolari oliy ta’lim muassasalariga bazaviy to‘lov-kontrakt asosida imtihonsiz qabul qilinadi.

Imtiyoz va rag‘batlar

Har bir g‘olib o‘quvchi uchun bir o‘quv yili davomida har oy “Zakovat” stipendiyasi to‘lab boriladi. Ushbu imtiyozlar yoshlarning bilim olishga bo‘lgan ishtiyoqini oshirish va o‘z intellektual qobiliyatlarini rivojlantirishga keng imkoniyat yaratadi.