O‘zbekiston milliy universitetining «Psixologiya» va «Sotsiologiya» kafedralari negizida O‘zbekiston davlat psixologiya universiteti tashkil etilishi mumkin.

21.12.2020 00:40
O‘zbekiston milliy universitetining «Psixologiya» va «Sotsiologiya» kafedralari negizida O‘zbekiston davlat psixologiya universiteti tashkil etilishi mumkin.
Registan LC YouTube kanalida abituriyentlar uchun turli fanlardan 500 dan oshiq videodarslar mavjud.
– Registon o‘quv markazi

O‘zbekiston milliy universitetining «Psixologiya» va «Sotsiologiya» kafedralari negizida O‘zbekiston davlat psixologiya universiteti tashkil etilishi mumkin. Prezidentning bu boradagi tegishli qarori loyihasi muhokamaga qo‘yildi.

Hujjat loyihasiga muvofiq, 2021-yildan boshlab bosqichma-bosqich quyidagilar amalga oshiriladi:

— respublikaning 14 ta xududida oliy ta’lim muassasalari huzurida xo‘jalik hisobida ish yuritadigan aholiga psixologik hizmat ko‘rsatuvchi markazlar ochish;

— psixologiya sohasida oliy ma’lumotli kadrlar tayyorlash bo‘yicha qabul parametrlari yiliga 30 foizdan oshirib borish;

— tuman (shahar) mahallalari tuzilmasida oila psixologi lavozimi joriy qilish va boshqalar.

Shuningdek, O‘zbekiston davlat psixologiya universiteti tarkibida yuridik shaxs maqomida faoliyat yuritadigan Psixologiya ilmiy-tadqiqotlar instituti faoliyati yo‘lga qo‘yish ham belgilangan.

Qayd etilishicha, universitetda tegishli hududdagi davlat tashkilotlarida 5 yil ishlab berish majburiyati bilan oliy ma’lumotli psixologlarga ehtiyoj yuqori bo‘lgan hududlar bo‘yicha maqsadli qabul parametrlari shakllantiriladi.

Unga ko‘ra, o‘qishga maqsadli qabul qilingan talabalar bilan tegishli qabul yilining 20-dekabr kuniga qadar tegishli majburiyatlarni aks ettirgan shartnomalar rasmiylashtirilishi hamda maqsadli qabul qilingan talabalar amaliyoti mazkur davlat tashkilotlarida tashkil etilishi ta’minlanadi.