"Perevodchilar" qachondan oʻqishni boshlaydi?

Perevodchilar qachondan o‘qishni boshlaydi?

👫 Hozirgi kunda ko‘plab perevodchilarni qiynayotgan savollardan biri bu — ularga qachondan o‘qish boshlanishi. To‘g‘ri, bu savolga aniq javob berish kerak! Sababi, ko‘chirayotgan OTMlari javob bermaganidan keyin ularga kimdir tushuntirish berishi shart.

✔️ Demak, ushbu savolga biz javob beramiz! Postni diqqat bilan o‘qisangiz, savolingizga aniq javob olasiz.

Aloqa xati va hujjatlar topshirish muddati

➡️ Xorijiy va nodavlat ta’lim muassasalaridan davlat oliy ta’lim muassasalariga yetarli ball to‘plab o‘qishini ko‘chirayotgan talabgorlar, avvalo, ko‘chirib o‘tayotgan OTMdan aloqa xatini olishlari kerak.

➡️ Shuningdek, davlat oliygohining biridan boshqasiga o‘qishini ko‘chirishga tavsiya etilgan talabgorlar ham aynan shu tartibda aloqa xatini olishlari lozim.

📋 Aloqa xatini olgan talabgorlar ko‘pi bilan 10 kun muddat ichida avvalgi o‘qish joylaridan kerakli hujjatlarni taqdim etishlari shart.

Fanlar farqi va o‘quv bosqichi

🧮 Hujjatlarni o‘z vaqtida topshirgan talabgorlarga, ularning yo‘nalishiga kiruvchi fakultet tomonidan fanlar farqi chiqarib beriladi va shu asosda ularning o‘quv bosqichi belgilanadi.

To‘lov-shartnoma muddati

🖌 Shundan so‘ng perevodchi talabgorlar 15-oktyabrga qadar to‘lov-shartnomaning 25 foizini to‘lashlari kerak bo‘ladi. Aks holda, ular talabalar safiga qabul qilinmaydi.

Perevodchilar uchun guruhlar masalasi

❕ Perevodchilar uchun alohida kurs yoki guruh ochilishi majburiy emas. Talabalar sonidan kelib chiqib:

• ularga yangi guruh ochilishi mumkin,

• yoki mavjud guruhlarga qo‘shib o‘qitilishi mumkin.

Xulosa

📌 Xulosa qilib aytganda, perevodchilar o‘qishni qachondan boshlashi ularning aloqa xatini olish tezligi, hujjatlarni topshirishi va kontrakt to‘lovini amalga oshirishiga bog‘liq. Qancha tez hujjatlarni topshirsangiz, shuncha tez sizni talabalar safiga qabul qilish bo‘yicha buyruq chiqariladi.