Qabul boshlandi, lekin axborot haligacha yo‘q

Qabul boshlandi, lekin axborot hanuz yo‘q: Abituriyentlar javobsiz qolmoqda

2025/2026-o‘quv yili uchun oliy ta’lim muassasalariga qabul jarayonlari boshlanganiga 17 kun bo‘ldi. Biroq, abituriyentlarga eng zarur bo‘lgan ma’lumotlar va tushuntirishlar jamoatchilikka hanuz yetkazilmagan.

Oliy ta’lim, fan va innovatsiyalar vazirligining sust faolligi

Odatda har yili qabul jarayonlari boshidan boshlab:

• qanday hujjatlar kerakligi;

• abituriyentlar eng ko‘p beradigan savollarga javoblar;

• test sinovi va tanlov tartibiga oid izohlar;

kabi muhim ma’lumotlar tez-tez e’lon qilinardi. Ammo bu yil Vazirlik hozircha atigi ikki post bilan kifoyalandi:

1. Ro‘yxatdan o‘tish bo‘yicha video-yo‘riqnoma;

2. “Boshqa telefon raqamidan foydalanmang” degan ogohlantirish.

Boshqa izohlar, yo‘riqnomalar va huquqiy asoslar hali ham ochiqlanmagan.

Baholash agentligi ham jimgina

Yana bir muhim manba — Bilimni baholash agentligi ham ancha sust harakat qilmoqda. Oldingi yillarda:

• ro‘yxatdan o‘tgan abituriyentlar soni;

• eng ko‘p tanlangan yo‘nalishlar;

• statistika asosida maslahatlar

har kuni taqdim etilar edi. Bu safar esa hatto kunlik statistikalar ham berilmayapti. Balki bu safar hammasi qabul yakunlangach beriladimi?

Manba:

Xulosa

Axborot — bu abituriyent uchun yo‘l xaritasi. U bo‘lmasa, turli mish-mishlar, noto‘g‘ri maslahatlar va chalkashliklar paydo bo‘ladi. Rasmiy idoralar axborot taqdim etishni qanchalik kechiktirsa, abituriyentlar shunchalik ko‘proq noaniqlikda qoladi. Vaqt esa juda qimmat…