Rossiya diplomi O‘zbekistonga o‘tadimi?

2019-yil 30-mayda O‘zbekiston Respublikasi hukumati bilan Rossiya Federasiyasi hukumati o‘rtasida ta’lim, malaka va ilmiy darajalarni o‘zaro tan olish to‘g‘risida bitim imzolangan.

• Unga ko‘ra davlat akkreditasiyasiga ega bo‘lgan ta’lim dasturlari, o‘qish muddati to‘rt yildan kam bo‘lmagan, kunduzgi bakalavr diplomi bilan tasdiqlangan oliy ta’lim ikkala davlatda ham mos ravishda tan olinadi hamda mutaxassislik faoliyatini amalga oshirish huquqini beradi. Shuningdek, ularning egalariga har ikkala davlatda magistratura bo‘yicha o‘qishni davom ettirish huquqini beradi.

Rossiyaning Fan va ta’lim sohasi nazorati bo‘yicha federal xizmati (Rosobrnadzor) veb-sayti (https://obrnadzor.gov.ru/) orqali oliy ta’lim muassasasining liеsenziyasi mavjudligini yoki davlat akkreditasiyasidan o‘tganini tekshirib ko‘rish mumkin.