Texnikum bitiruvchilari uchun OTMga kirish: Suhbat tartibi
Texnikumni muvaffaqiyatli tugatganlar uchun OTMga qabul qilishda suhbatning mazmuni va tartibi haqida ma’lumot. Suhbatda 4 ta yo‘nalishda jami 4 ta savol beriladi.
Texnikumni muvaffaqiyatli tugatganlar uchun imtihonsiz qabul
Texnikumni muvaffaqiyatli tugatganlar faqat suhbat bilan imtihonsiz OTMga qabul qilinadi. Ular birdaniga 2-kursdan o‘qishni boshlashadi. Hozirda ushbu toifadagi abituriyentlar uchun qabul davom etmoqda (manba).
Suhbat nimadan iborat?
Suhbatda talabgorga 4 ta yo‘nalishda jami 4 ta savol beriladi (manba):
- Mamlakatda o‘z sohasiga oid amalga oshirilayotgan islohotlarning mohiyati va ahamiyatini tushunish.
- Bakalavriat ta’lim yo‘nalishini tanlashda motivasiya.
- Shaxsiy-kasbiy xususiyatlar.
- Tanlangan bakalavriat ta’lim yo‘nalishi sohasidagi bilim va kasbiy ko‘nikmalar.
Jami to‘plash mumkin bo‘lgan ball — 100 ball.
