Turkiyaning Iqtisodiyot va texnologiyalar universitetining Toshkent shahridagi filialiga qabul boshlandi

O‘zbekiston Prezidenti Shavkat Mirziyoyevning fevral oyida Turkiyaga tashrifi chog‘ida Turkiyaning Iqtisodiyot va texnologiyalar universiteti va O‘zbekiston Savdo-sanoat palatasi o‘rtasida imzolangan hamkorlik shartnomasiga muvofiq Toshkent shahrida nodavlat ta’lim xizmatlarini ko‘rsatuvchi Turkiyaning Iqtisodiyot va texnologiyalar universitetining filiali tashkil etildi.

Turkiyaning Iqtisodiyot va texnologiyalar universitetining Toshkent shahridagi filiali 2020-2021 o‘quv yilida ilk talabalarni qabul qiladi.

✅ Filial o‘z faoliyatini 2020 yil 14 sentyabrda quyidagi ikkita ta’lim yo‘nalishi bilan boshlaydi:

• Elektron tijorat va texnologiyalarni boshqarish;
• Xalqaro biznes va tadbirkorlik.

Arizalar 2020-yil 30-iyulgacha qabul qilinadi. Kirish imtihoni 2020-yil 15-avgustda bo‘lib o‘tadi.

Ariza shaklini ushbu manzildan olish mumkin

Qo‘shimcha savollar uchun: tashkent@etu.edu.tr