Toshkent shahridagi Vebster universiteti yirik xalqaro netvorking tadbirini o‘tkazdi
Toshkent shahridagi Vebster universiteti poytaxtdagi nufuzli Hyatt Regency mehmonxonasida “Networking Recyeption 2026” tadbirini muvaffaqiyatli o‘tkazdi. Tadbir doirasida universitet yangi akademik dasturlarini ham rasman taqdim etdi.
O‘zbekistondagi Amerika savdo palatasi (AmCham Uzbekistan) hamda Yevropa–O‘zbekiston iqtisodiy hamkorlik assosiatsiyasi (EUROUZ) hamkorligida tashkil etilgan ushbu tadbir xalqaro biznes, diplomatiya va ta’lim sohalari vakillarini bir joyga to‘pladi.
Global hamkorlik uchun yangi platforma
Tadbir nafaqat uchrashuv, balki strategik muloqot maydoni sifatida ham xizmat qildi. Ishtirokchilar:
- yangi hamkorlik imkoniyatlarini muhokama qildi
- biznes va ta’lim integratsiyasi haqida fikr almashdi
- global trendlar va talablarni tahlil qildi.
Yangi akademik dasturlar taqdimoti
Kechaning eng muhim qismi — universitetning 2 ta yangi akademik dasturi taqdimoti bo‘ldi.
Bu dasturlar quyidagilardan iborat:
- Xalqaro huquq bakalavr dasturi;
- Strategik kommunikatsiya magistratura bosqichi.
Eng asosiysi, ushbu dasturlar O‘zbekistonning jadal rivojlanayotgan professional bozori ehtiyojlarini hisobga olgan holda ishlab chiqilgan.
Kuchli fikrlar va ekspert muhokamasi
Tadbir “Global hamkorliklarda huquq, strategiya va kommunikatsiya” mavzusi ostida tashkil etildi.
Tadbirni Toshkent shahridagi Vebster universiteti rektori doktor Jean Paul van Marissing va Toshkent shahridagi Vebster universitetining ta’lim dasturlarini amalga oshirish markazi ijrochi direktor doktor Rasul Rakhmonov ochib berishdi, ular o‘z nutqlarida ta’limdagi innovatsiyalar, turli sektorlar o‘rtasidagi hamkorlik va global universitetlarning O‘zbekistonda yangi professional standartlarni shakllantirishdagi o‘rniga alohida to‘xtalib o‘tishdi.
Panel muhokamasi: bozor nimani talab qilmoqda?
Kechaning asosiy voqealaridan biri Academic Programs Launch Panel muhokamasi bo‘lib, unda AmCham va EUROUZ a’zosi bo‘lgan kompaniyalar, Dentons Uzbekistan hamda O‘zbekiston Marketing assosiatsiyasi (Marketing.uz) vakillari ishtirok etdi.
Mutaxassislar yangi malakalarga bo‘lgan talab, xalqaro biznes strategiyasidagi tendensiyalar hamda zamonaviy tashkilotlarda huquqiy savodxonlik, kommunikatsiya va fanlararo kompetensiyalarning ahamiyati ortib borayotgani haqida fikr bildirishdi. Ushbu muhokamalar Vebster universitetining yangi dasturlari davlat va xususiy sektor ish beruvchilari ehtiyojlariga to‘liq mos kelishini yana bir bor tasdiqladi.
Netvorking: kelgusining bitimlarining boshlanish
Panel muhokamasidan so‘ng tadbir erkin netvorking va kechki ziyofat bilan davom etdi. Ta’lim, biznes va xalqaro tashkilotlar vakillari qo‘shma loyihalar, amaliyot dasturlarini kengaytirish va O‘zbekistonning global akademik ekotizimdagi o‘rnini mustahkamlash imkoniyatlarini muhokama qildi.
Rasmiy va norasmiy muloqotni uyg‘unlashtirgan bunday format haqiqiy hamkorliklarning eng samarali boshlanish nuqtasi bo‘ldi.
Vebster universiteti global liderlarni tayyorlash yo‘lida
“Networking Recyeption 2026” tadbiri yana bir bor Vebster universiteti nafaqat ta’lim, balki biznes, davlat va xalqaro sektorni bog‘laydigan platforma yaratayotganini amalda ko‘rsatib berdi. Akademik muhit, biznes hamjamiyati va xalqaro institutlar o‘rtasidagi ko‘prik qurishda Vebster universitetining qat’iyati tobora yaqqol namoyon bo‘lmoqda.
Ma’lumot o‘rnida, 2019-yilda O‘zbekiston Prezidentining Farmoni bilan tashkil etilgan Toshkent shahridagi Vebster universiteti AQSHning Missuri shtatidagi Vebster universitetining rasmiy kampusi hisoblanadi. Markaziy Osiyodagi yetakchi Amerika universiteti sifatida Vebster talabalarni global muhitga tayyorlashni o‘zining asosiy missiyasi deb biladi.