Xotin-qizlar uchun ajratiladigan qo‘shimcha 4 foizli grantning hududlar kesimidagi taqsimoti

2020-2021 o‘quv yili uchun xotin-qizlarga ajratilgan 4 foizli qo‘shimcha davlat granti uchun respublika bo‘yicha jami 940ta joy ajratilgan.

Davlat test markazi xotin-qizlar uchun ajratiladigan qo‘shimcha 4 foizli davlat grantining hududlar kesimidagi taqsimotini e’lon qildi.

Davlat komissiyasining 1-son bayoni bilan 2020-2021 o‘quv yili uchun xotin-qizlarga ajratilgan 4 foizli qo‘shimcha davlat granti uchun respublika bo‘yicha jami 940ta joy ajratilgan.

Viloyatlar kesimida o‘rinlar quyidagicha taqsimlangan:

• Qoraqalpog‘iston Respublikasi – 51;
• Andijon viloyati – 85;
• Buxoro viloyati – 53;
• Jizzax viloyati – 36;
• Qashqadaryo viloyati – 88;
• Navoiy viloyati – 28;
• Namangan viloyati – 75;
• Samarqand viloyati – 104;
• Surxondaryo viloyati – 71;
• Sirdaryo viloyati – 49;
• Toshkent viloyati – 80;
• Farg‘ona viloyati – 100;
• Xorazm viloyati – 50;
• Toshkent shahar – 70.

Eslatib o‘tamiz, davlat granti uchun tavsiyanomalar quyidagi toifa xotin-qizlarga beriladi:

• kam ta’minlangan oiladan chiqqan xotin-qizlar;
• to‘liqsiz oilada tarbiyalanayotgan, ya’ni ota yoki onasi vafot etgan xotin-qizlar;
• 14 yoshgacha bo‘lgan ikki va undan ortiq farzandlarni tarbiyalayotgan, boshqa qarindoshlaridan alohida yashayotgan yolg‘iz ayol (erkak)larning qizlari;
• shaxsiy uy-joyga ega bo‘lmagan, ijarada yashayotgan oilalar;
• ota-onalardan biri yoki har ikkisi ishsiz bo‘lgan va ish qidiruvchi shaxs sifatida aholi bandligiga ko‘maklashish markazlarida hisobda turganlar;
• nogironligi bo‘lgan farzandi bor oilalardan chiqqan xotin-qizlar;
• oliy ma’lumotli xotin-qizlar bilan qamrab olish darajasi respublikaning o‘rtacha ko‘rsatkichlaridan ikki yoki undan ortiq marta past bo‘lgan tumanlar, shuningdek, olis va borish qiyin bo‘lgan hududlarda yashovchi oilalardagi qiz farzandlar (ularni o‘z hududida 3 yil ishlash sharti bilan).

Mazkur grantga talabgor qizlar Mahalla va oilani qo‘llab-quvvatlash vazirligining tuman shahar bo‘limlarida tashkil qilingan ishchi guruhlariga 24 iyundan 10 iyulgacha hujjat topshirishi mumkin:

Talabgor qizlar quyidagi hujjatlarni topshirishi lozim. Ulardan quyidagi hujjatlar talab qilinadi:

• Mahalla va oilani qo‘llab-quvvatlash vaziri nomiga ariza;
• grant olish uchun belgilangan talablardan biriga to‘g‘ri kelishini tasdiqlovchi hujjatlar (ilovasi, bilan);
• ma’lumotnoma, obektivka;
• umumta’lim maktabi yoki o‘rta maxsus kasb-hunar muassasasidan ma’lumotnoma;
• pasport yoki tug‘ilganlik to‘g‘risidagi guvohnoma nusxasi.