Oliygoh.uz Aniq maqsad -
g'alabaga yetaklaydi
Kirish ballari Blok testlar DTM testlar

IELTS imtihoni xarajatlari qoplab berilishi uchun kimga murojaat qilish kerak?

27.04.2021 23:11
IELTS imtihoni xarajatlari qoplab berilishi uchun kimga murojaat qilish kerak?

Imtihon xarajatlari qoplab berilishi uchun yoshlar qayerga murojaat qilishi kerak? AOKAda o‘tkazilgan matbuot anjumanida mavzu yuzasidan ma’lumot berib o‘tildi.

«Tartibga ko‘ra, imtihon topshirish xarajati kompensatsiya qilinadigan xalqaro imtihon tizimlari ro‘yxati tasdiqlangan. Mazkur ro‘yxatga GMAT, IELTS, TOEFL, GRE, SAT kabi imtihonlar kiritilgan. Imtihon topshirish xarajati 2021-yil 1-maydan boshlab kompensatsiya qilinishi boshlaydi.

CAE, DAF, JLPT, HSK va boshqalar bo‘yicha xarajatlar 2022-yil 1-yanvardan boshlab kompensatsiya qilinadi.

Ariza beruvchi imtihon topshirish vaqtida 31 yoshga kirmagan O‘zbekiston fuqarosi yoki fuqaroligi bo‘lmagan shaxs bo‘lishi mumkin.

- Imtihon xarajatlari Yoshlar ishlari agentligi tomonidan qoplanadi.

Ushbu davlat xizmatini olish uchun Davlat xizmatlari markazlari yoki Yagona interaktiv davlat xizmatlari portali orqali murojaat qilishi mumkin.

So‘rovnomaga imtihon topshirish xarajati to‘langanini tasdiqlovchi kvitansiya hamda maxsus sertifikat PDF shaklida ilova qilinishi kerak.

Yoshlar ishlari agentligi 15 kunda arizachining sertifikatini verifikatsiyadan o‘tkazadi.

Sertifikatning haqiqiyligini verifikatsiya orqali aniqlash imkoni bo‘lmasa, Yoshlar ishlari agentligi 30 kunda maxsus sertifikatning haqiqiyligini tasdiqlashni so‘rab xorijiy tashkilotga so‘rov yuboradi».

Mavzuga aloqador: IELTS va boshqa xalqaro imtihonlarda yuqori ball olganlarga xarajatlari qoplab berishning ma’muriy reglamenti tasdiqlandi